সূক্ত 40

40.1

১২ নাভাকঃ কাণ্বঃ। ইন্দ্রাগ্নী । মহাপংক্তিঃ, ২ শক্বরী ,১২ ত্রিষ্টুপ্ ।

ইন্দ্রাগ্নী যুবং সু নঃ সহন্তা দাসথো রয়িম্ ।
যেন দৃল্হা সমত্স্বা বীলু চিত্সাহিষীমহ্যগ্নির্বনেব বাত ইন্নভন্তামন্যকে সমে ॥১॥

40.2

নহি বাং বব্রয়ামহেঽথেন্দ্রমিদ্যজামহে শবিষ্ঠং নৃণাং নরম্ ।
স নঃ কদা চিদর্বতা গমদা বাজসাতয়ে গমদা মেধসাতয়ে নভন্তামন্যকে সমে ॥২॥

40.3

তা হি মধ্যং ভরাণামিন্দ্রাগ্নী অধিক্ষিতঃ ।
তা উ কবিত্বনা কবী পৃচ্ছ্যমানা সখীয়তে সং ধীতমশ্নুতং নরা নভন্তামন্যকে সমে ॥৩॥

40.4

অভ্যর্চ নভাকবদিন্দ্রাগ্নী যজসা গিরা ।
যয়োর্বিশ্বমিদং জগদিয়ং দ্যৌঃ পৃথিবী মহ্যু১পস্থে বিভৃতো বসু নভন্তামন্যকে সমে ॥৪॥

40.5

প্র ব্রহ্মাণি নভাকবদিন্দ্রাগ্নিভ্যামিরজ্যত ।
যা সপ্তবুধ্নমর্ণবং জিহ্মবারমপোর্ণুত ইন্দ্র ঈশান ওজসা নভন্তামন্যকে সমে ॥৫॥

40.6

অপি বৃশ্চ পুরাণবদ্ব্রততেরিব গুষ্পিতমোজো দাসস্য দম্ভয় ।
বয়ং তদস্য সম্ভৃতং বস্বিন্দ্রেণ বি ভজেমহি নভন্তামন্যকে সমে ॥৬॥

40.7

যদিন্দ্রাগ্নী জনা ইমে বিহ্বয়ন্তে তনা গিরা ।
অস্মাকেভির্নৃভির্বয়ং সাসহ্যাম পৃতন্যতো বনুয়াম বনুষ্যতো নভন্তামন্যকে সমে ॥৭॥

40.8

যা নু শ্বেতাববো দিব উচ্চরাত উপ দ্যুভিঃ ।
ইন্দ্রাগ্ন্যোরনু ব্রতমুহানা যন্তি সিন্ধবো যান্ত্সীং বন্ধাদমুঞ্চতাং নভন্তামন্যকে সমে ॥৮॥

40.9

পূর্বীষ্ট ইন্দ্রোপমাতয়ঃ পূর্বীরুত প্রশস্তয়ঃ সূনো হিন্বস্য হরিবঃ ।
বস্বো বীরস্যাপৃচো যা নু সাধন্ত নো ধিয়ো নভন্তামন্যকে সমে ॥৯॥

40.10

তং শিশীতা সুবৃক্তিভিস্ত্বেষং সত্বানমৃগ্মিয়ম্ ।
উতো নু চিদ্য ওজসা শুষ্ণস্যাণ্ডানি ভেদতি জেষত্স্বর্বতীরপো নভন্তামন্যকে সমে ॥১০॥

40.11

তং শিশীতা স্বধ্বরং সত্যং সত্বানমৃত্বিয়ম্ ।
উতো নু চিদ্য ওহত আণ্ডা শুষ্ণস্য ভেদত্যজৈঃ স্বর্বতীরপো নভন্তামন্যকে সমে ॥১১॥

40.12

এবেন্দ্রাগ্নিভ্যাং পিতৃবন্নবীয়ো মন্ধাতৃবদঙ্গিরস্বদবাচি ।
ত্রিধাতুনা শর্মণা পাতমস্মান্বয়ং স্যাম পতয়ো রয়ীণাম্ ॥১২॥