সূক্ত 42

42.1

৬ নাভাকঃ কাণ্বঃ, অর্চনানা আত্রেয়ো বা ।১-৩ বরুণঃ, ৪-৬ অশ্বিনৌ ।১-৩ ত্রিষ্টুপ্ , ৪-৬ অনুষ্টুপ্ ।

অস্তভ্নাদ্দ্যামসুরো বিশ্ববেদা অমিমীত বরিমাণং পৃথিব্যাঃ ।
আসীদদ্বিশ্বা ভুবনানি সম্রাড্বিশ্বেত্তানি বরুণস্য ব্রতানি ॥১॥

42.2

এবা বন্দস্ব বরুণং বৃহন্তং নমস্যা ধীরমমৃতস্য গোপাম্ ।
স নঃ শর্ম ত্রিবরূথং বি যংসত্পাতং নো দ্যাবাপৃথিবী উপস্থে ॥২॥

42.3

ইমাং ধিয়ং শিক্ষমাণস্য দেব ক্রতুং দক্ষং বরুণ সং শিশাধি ।
যয়াতি বিশ্বা দুরিতা তরেম সুতর্মাণমধি নাবং রুহেম ॥৩॥

42.4

আ বাং গ্রাবাণো অশ্বিনা ধীভির্বিপ্রা অচুচ্যবুঃ । নাসত্যা সোমপীতয়ে নভন্তামন্যকে সমে ॥৪॥

42.5

যথা বামত্রিরশ্বিনা গীর্ভির্বিপ্রো অজোহবীৎ । নাসত্যা সোমপীতয়ে নভন্তামন্যকে সমে ॥৫॥

42.6

এবা বামহ্ব ঊতয়ে যথাহুবন্ত মেধিরাঃ । নাসত্যা সোমপীতয়ে নভন্তামন্যকে সমে ॥৬॥