সূক্ত 29

29.1

১০ মনুর্বৈবস্বতঃ, কশ্যপো বা মারীচঃ। বিশ্বে দেবাঃ । দ্বিপদা বিরাট্।

বভ্রুরেকো বিষুণঃ সূনরো যুবাঞ্জ্যঙ্ক্তে হিরণ্যয়ম্
যোনিমেক আ সসাদ দ্যোতনোঽন্তর্দেবেষু মেধিরঃ ॥১॥

29.2

বাশীমেকো বিভর্তি হস্ত আয়সীমন্তর্দেবেষু নিধ্রুবিঃ
বজ্রমেকো বিভর্তি হস্ত আহিতং তেন বৃত্রাণি জিঘ্নতে ॥২॥

29.3

তিগ্মমেকো বিভর্তি হস্ত আয়ুধং শুচিরুগ্রো জলাষভেষজঃ
পথ একঃ পীপায় তস্করো যথাঁ এষ বেদ নিধীনাম্ ॥৩॥

29.4

ত্রীণ্যেক উরুগায়ো বি চক্রমে যত্র দেবাসো মদন্তি
বিভির্দ্বা চরত একয়া সহ প্র প্রবাসেব বসতঃ ॥৪॥

29.5

সদো দ্বা চক্রাতে উপমা দিবি সম্রাজা সর্পিরাসুতী
অর্চন্ত একে মহি সাম মন্বত তেন সূর্যমরোচয়ন্ ॥৫॥