Sukta 29

29.1

10 manurvaivasvatah, kashyapo va marichah, vishve devah, dvipada virat

ब॒भ्रुरेको॒ विषु॑णः सू॒नरो॒ युवा॒ञ्ज्य॑ङ्क्ते हिर॒ण्यय॑म्
योनि॒मेक॒ आ स॑साद॒ द्योत॑नो॒ऽन्तर्दे॒वेषु॒ मेधि॑रः ॥१॥

Babhrureko vishunah sunaro yuvanjyankte hiranyayam
Yonimeka a sasada dyotanontardeveshu medhirah

वाशी॒मेको॑ बिभर्ति॒ हस्त॑ आय॒सीम॒न्तर्दे॒वेषु॒ निध्रु॑विः
वज्र॒मेको॑ बिभर्ति॒ हस्त॒ आहि॑तं॒ तेन॑ वृ॒त्राणि॑ जिघ्नते ॥२॥

Vashimeko bibharti hasta ayasimantardeveshu nidhruvih
Vajrameko bibharti hasta ahitam tena vritrani jighnate

ति॒ग्ममेको॑ बिभर्ति॒ हस्त॒ आयु॑धं॒ शुचि॑रु॒ग्रो जला॑षभेषजः
प॒थ एक॑ः पीपाय॒ तस्क॑रो यथाँ ए॒ष वे॑द निधी॒नाम् ॥३॥

Tigmameko bibharti hasta ayudham shuchirugro jalashabheshajah
Patha ekah pipaya taskaro yatham esha veda nidhinam

त्रीण्येक॑ उरुगा॒यो वि च॑क्रमे॒ यत्र॑ दे॒वासो॒ मद॑न्ति
विभि॒र्द्वा च॑रत॒ एक॑या स॒ह प्र प्र॑वा॒सेव॑ वसतः ॥४॥

Trinyeka urugayo vi chakrame yatra devaso madanti
Vibhirdva charata ekaya saha pra pravaseva vasatah

सदो॒ द्वा च॑क्राते उप॒मा दि॒वि स॒म्राजा॑ स॒र्पिरा॑सुती
अर्च॑न्त॒ एके॒ महि॒ साम॑ मन्वत॒ तेन॒ सूर्य॑मरोचयन् ॥५॥

Sado dva chakrate upama divi samraja sarpirasuti
Archanta eke mahi sama manvata tena suryamarochayan