সূক্ত 28

28.1

৫ মনুর্বৈবস্বতঃ । বিশ্বে দেবাঃ । গায়ত্রী , ৪ পুরউষ্ণিক্ ।

যে ত্রিংশতি ত্রয়স্পরো দেবাসো বর্হিরাসদন্ । বিদন্নহ দ্বিতাসনন্ ॥১॥

28.2

বরুণো মিত্রো অর্যমা স্মদ্রাতিষাচো অগ্নয়ঃ । পত্নীবন্তো বষট্কৃতাঃ ॥২॥

28.3

তে নো গোপা অপাচ্যাস্ত উদক্ত ইত্থা ন্যক্ । পুরস্তাত্সর্বয়া বিশা ॥৩॥

28.4

যথা বশন্তি দেবাস্তথেদসত্তদেষাং নকিরা মিনৎ । অরাবা চন মর্ত্যঃ ॥৪॥

28.5

সপ্তানাং সপ্ত ঋষ্টয়ঃ সপ্ত দ্যুম্নান্যেষাম্ । সপ্তো অধি শ্রিয়ো ধিরে ॥৫॥