সূক্ত 30

30.1

৪ মনুর্বৈবস্বতঃ । বিশ্বে দেবাঃ । ১ গায়ত্রী , ২ পুরউষ্ণিক্ , ৩ বৃহতী , ৪ অনুষ্টুপ্ ।

নহি বো অস্ত্যর্ভকো দেবাসো ন কুমারকঃ । বিশ্বে সতোমহান্ত ইৎ ॥১॥

30.2

ইতি স্তুতাসো অসথা রিশাদসো যে স্থ ত্রয়শ্চ ত্রিংশচ্চ । মনোর্দেবা যজ্ঞিয়াসঃ ॥২॥

30.3

তে নস্ত্রাধ্বং তেঽবত ত উ নো অধি বোচত । মা নঃ পথঃ পিত্র্যান্মানবাদধি দূরং নৈষ্ট পরাবতঃ ॥৩॥

30.4

যে দেবাস ইহ স্থন বিশ্বে বৈশ্বানরা উত । অস্মভ্যং শর্ম সপ্রথো গবেঽশ্বায় যচ্ছত ॥৪॥