সূক্ত 31

31.1

১৮ মনুর্বৈবস্বতঃ ।১-৪ যজ্ঞঃ যজমানশ্চ , ৫-৯ দংপতি , ১০-১৮ দম্পত্যাশিষঃ । গায়ত্রী ; ৯,১৪ অনুষ্টুপ্ , ১০ পাদনিচৃত , ১৫-১৮ পংক্তিঃ ।

যো যজাতি যজাত ইত্সুনবচ্চ পচাতি চ । ব্রহ্মেদিন্দ্রস্য চাকনৎ ॥১॥

পুরোলাশং যো অস্মৈ সোমং ররত আশিরম্ । পাদিত্তং শক্রো অংহসঃ ॥২॥

তস্য দ্যুমাঁ অসদ্রথো দেবজূতঃ স শূশুবৎ । বিশ্বা বন্বন্নমিত্রিয়া ॥৩॥

অস্য প্রজাবতী গৃহেঽসশ্চন্তী দিবেদিবে । ইলা ধেনুমতী দুহে ॥৪॥

যা দম্পতী সমনসা সুনুত আ চ ধাবতঃ । দেবাসো নিত্যয়াশিরা ॥৫॥

প্রতি প্রাশব্যাঁ ইতঃ সম্যঞ্চা বর্হিরাশাতে । ন তা বাজেষু বায়তঃ ॥৬॥

ন দেবানামপি হ্নুতঃ সুমতিং ন জুগুক্ষতঃ । শ্রবো বৃহদ্বিবাসতঃ ॥৭॥

পুত্রিণা তা কুমারিণা বিশ্বমায়ুর্ব্যশ্নুতঃ । উভা হিরণ্যপেশসা ॥৮॥

বীতিহোত্রা কৃতদ্বসূ দশস্যন্তামৃতায় কম্ । সমূধো রোমশং হতো দেবেষু কৃণুতো দুবঃ ॥৯॥

আ শর্ম পর্বতানাং বৃণীমহে নদীনাম্ । আ বিষ্ণোঃ সচাভুবঃ ॥১০॥

ঐতু পূষা রয়ির্ভগঃ স্বস্তি সর্বধাতমঃ । উরুরধ্বা স্বস্তয়ে ॥১১॥

অরমতিরনর্বণো বিশ্বো দেবস্য মনসা । আদিত্যানামনেহ ইৎ ॥১২॥

যথা নো মিত্রো অর্যমা বরুণঃ সন্তি গোপাঃ । সুগা ঋতস্য পন্থাঃ ॥১৩॥

অগ্নিং বঃ পূর্ব্যং গিরা দেবমীলে বসূনাম্ । সপর্যন্তঃ পুরুপ্রিয়ং মিত্রং ন ক্ষেত্রসাধসম্ ॥১৪॥

মক্ষূ দেববতো রথঃ শূরো বা পৃত্সু কাসু চিৎ । দেবানাং য ইন্মনো যজমান ইয়ক্ষত্যভীদয়জ্বনো ভুবৎ ॥১৫॥

ন যজমান রিষ্যসি ন সুন্বান ন দেবয়ো । দেবানাং য ইন্মনো যজমান ইয়ক্ষত্যভীদয়জ্বনো ভুবৎ ॥১৬॥

নকিষ্টং কর্মণা নশন্ন প্র যোষন্ন যোষতি । দেবানাং য ইন্মনো যজমান ইয়ক্ষত্যভীদয়জ্বনো ভুবৎ ॥১৭॥

অসদত্র সুবীর্যমুত ত্যদাশ্বশ্ব্যম্ । দেবানাং য ইন্মনো যজমান ইয়ক্ষত্যভীদয়জ্বনো ভুবৎ ॥১৮॥