সূক্ত 32

32.1

৩০ মেধাতিথি : কাণ্বঃ। ইন্দ্রঃ । গায়ত্রী ।

প্র কৃতান্যৃজীষিণঃ কণ্বা ইন্দ্রস্য গাথয়া । মদে সোমস্য বোচত ॥১॥

32.2

যঃ সৃবিন্দমনর্শনিং পিপ্রুং দাসমহীশুবম্ । বধীদুগ্রো রিণন্নপঃ ॥২॥

32.3

ন্যর্বুদস্য বিষ্টপং বর্ষ্মাণং বৃহতস্তির । কৃষে তদিন্দ্র পৌংস্যম্ ॥৩॥

32.4

প্রতি শ্রুতায় বো ধৃষত্তূর্ণাশং ন গিরেরধি । হুবে সুশিপ্রমূতয়ে ॥৪॥

32.5

স গোরশ্বস্য বি ব্রজং মন্দানঃ সোম্যেভ্যঃ । পুরং ন শূর দর্ষসি ॥৫॥

32.6

যদি মে রারণঃ সুত উক্থে বা দধসে চনঃ । আরাদুপ স্বধা গহি ॥৬॥

32.7

বয়ং ঘা তে অপি ষ্মসি স্তোতার ইন্দ্র গির্বণঃ । ত্বং নো জিন্ব সোমপাঃ ॥৭॥

32.8

উত নঃ পিতুমা ভর সংররাণো অবিক্ষিতম্ । মঘবন্ভূরি তে বসু ॥৮॥

32.9

উত নো গোমতস্কৃধি হিরণ্যবতো অশ্বিনঃ । ইলাভিঃ সং রভেমহি ॥৯॥

32.10

বৃবদুক্থং হবামহে সৃপ্রকরস্নমূতয়ে । সাধু কৃণ্বন্তমবসে ॥১০॥

32.11

যঃ সংস্থে চিচ্ছতক্রতুরাদীং কৃণোতি বৃত্রহা । জরিতৃভ্যঃ পুরূবসুঃ ॥১১॥

32.12

স নঃ শক্রশ্চিদা শকদ্দানবাঁ অন্তরাভরঃ । ইন্দ্রো বিশ্বাভিরূতিভিঃ ॥১২॥

32.13

যো রায়ো৩ঽবনির্মহান্ত্সুপারঃ সুন্বতঃ সখা । তমিন্দ্রমভি গায়ত ॥১৩॥

32.14

আয়ন্তারং মহি স্থিরং পৃতনাসু শ্রবোজিতম্ । ভূরেরীশানমোজসা ॥১৪॥

32.15

নকিরস্য শচীনাং নিয়ন্তা সূনৃতানাম্ । নকির্বক্তা ন দাদিতি ॥১৫॥

32.16

ন নূনং ব্রহ্মণামৃণং প্রাশূনামস্তি সুন্বতাম্ । ন সোমো অপ্রতা পপে ॥১৬॥

32.17

পন্য ইদুপ গায়ত পন্য উক্থানি শংসত । ব্রহ্মা কৃণোত পন্য ইৎ ॥১৭॥

32.18

পন্য আ দর্দিরচ্ছতা সহস্রা বাজ্যবৃতঃ । ইন্দ্রো যো যজ্বনো বৃধঃ ॥১৮॥

32.19

বি ষূ চর স্বধা অনু কৃষ্টীনামন্বাহুবঃ । ইন্দ্র পিব সুতানাম্ ॥১৯॥

32.20

পিব স্বধৈনবানামুত যস্তুগ্র্যে সচা । উতায়মিন্দ্র যস্তব ॥২০॥

32.21

অতীহি মন্যুষাবিণং সুষুবাংসমুপারণে । ইমং রাতং সুতং পিব ॥২॥

32.22

ইহি তিস্রঃ পরাবত ইহি পঞ্চ জনাঁ অতি । ধেনা ইন্দ্রাবচাকশৎ ॥২২॥

32.23

সূর্যো রশ্মিং যথা সৃজা ঽঽত্বা যচ্ছন্তু মে গিরঃ । নিম্নমাপো ন সধ্র্যক্ ॥২৩॥

32.24

অধ্বর্যবা তু হি ষিঞ্চ সোমং বীরায় শিপ্রিণে । ভরা সুতস্য পীতয়ে ॥২৪॥

32.25

য উদ্নঃ ফলিগং ভিনন্ন্য১ক্সিন্ধূঁরবাসৃজৎ । যো গোষু পক্বং ধারয়ৎ ॥২৫॥

32.26

অহন্বৃত্রমৃচীষম ঔর্ণবাভমহীশুবম্ । হিমেনাবিধ্যদর্বুদম্ ॥২৬॥

32.27

প্র ব উগ্রায় নিষ্টুরেঽষাল্হায় প্রসক্ষিণে । দেবত্তং ব্রহ্ম গায়ত ॥২৭॥

32.28

যো বিশ্বান্যভি ব্রতা সোমস্য মদে অন্ধসঃ । ইন্দ্রো দেবেষু চেততি ॥২৮॥

32.29

ইহ ত্যা সধমাদ্যা হরী হিরণ্যকেশ্যা । বোল্হামভি প্রয়ো হিতম্ ॥২৯॥

32.30

অর্বাঞ্চং ত্বা পুরুষ্টুত প্রিয়মেধস্তুতা হরী । সোমপেয়ায় বক্ষতঃ ॥৩০॥