সূক্ত 100

100.1

(১২) ১-৩, ৬-১২ নেমো ভার্গবঃ, ৪-৫ ইন্দ্রঃ । ইন্দ্রঃ, ৮ সুপর্ণঃ, ৯ বজ্রো বা, ১০-১১ বাক্ । ত্রিষ্টুপ্ , ৬ জগতী , ৭-৯ অনুষ্টুপ্ ।

অয়ং ত এমি তন্বা পুরস্তাদ্বিশ্বে দেবা অভি মা যন্তি পশ্চাৎ ।
যদা মহ্যং দীধরো ভাগমিন্দ্রাঽঽদিন্ময়া কৃণবো বীর্যাণি ॥১॥

100.2

দধামি তে মধুনো ভক্ষমগ্রে হিতস্তে ভাগঃ সুতো অস্তু সোমঃ ।
অসশ্চ ত্বং দক্ষিণতঃ সখা মেঽধা বৃত্রাণি জঙ্ঘনাব ভূরি ॥২॥

100.3

প্র সু স্তোমং ভরত বাজয়ন্ত ইন্দ্রায় সত্যং যদি সত্যমস্তি ।
নেন্দ্রো অস্তীতি নেম উ ত্ব আহ ক ঈং দদর্শ কমভি ষ্টবাম ॥৩॥

100.4

অয়মস্মি জরিতঃ পশ্য মেহ বিশ্বা জাতান্যভ্যস্মি মহ্না ।
ঋতস্য মা প্রদিশো বর্ধয়ন্ত্যাদর্দিরো ভুবনা দর্দরীমি ॥৪॥

100.5

আ যন্মা বেনা অরুহন্নৃতস্যঁ একমাসীনং হর্যতস্য পৃষ্ঠে ।
মনশ্চিন্মে হৃদ আ প্রত্যবোচদচিক্রদঞ্ছিশুমন্তঃ সখায়ঃ ॥৫॥

100.6

বিশ্বেত্তা তে সবনেষু প্রবাচ্যা যা চকর্থ মঘবন্নিন্দ্র সুন্বতে ।
পারাবতং যত্পুরুসম্ভৃতং বস্বপাবৃণোঃ শরভায় ঋষিবন্ধবে ॥৬॥

100.7

প্র নূনং ধাবতা পৃথঙ্নেহ যো বো অবাবরীৎ । নি ষীং বৃত্রস্য মর্মণি বজ্রমিন্দ্রো অপীপতৎ ॥৭॥

100.8

মনোজবা অয়মান আয়সীমতরত্পুরম্ । দিবং সুপর্ণো গত্বায় সোমং বজ্রিণ আভরৎ ॥৮॥

100.9

সমুদ্রে অন্তঃ শয়ত উদ্না বজ্রো অভীবৃতঃ । ভরন্ত্যস্মৈ সংয়তঃ পুরঃপ্রস্রবণা বলিম্ ॥৯॥

100.10

যদ্বাগ্বদন্ত্যবিচেতনানি রাষ্ট্রী দেবানাং নিষসাদ মন্দ্রা ।
চতস্র ঊর্জং দুদুহে পয়াংসি ক্ব স্বিদস্যাঃ পরমং জগাম ॥১০॥

100.11

দেবীং বাচমজনয়ন্ত দেবাস্তাং বিশ্বরূপাঃ পশবো বদন্তি ।
সা নো মন্দ্রেষমূর্জং দুহানা ধেনুর্বাগস্মানুপ সুষ্টুতৈতু ॥১১॥

100.12

সখে বিষ্ণো বিতরং বি ক্রমস্ব দ্যৌর্দেহি লোকং বজ্রায় বিষ্কভে ।
হনাব বৃত্রং রিণচাব সিন্ধূনিন্দ্রস্য যন্তু প্রসবে বিসৃষ্টাঃ ॥১২॥