সূক্ত 101

101.1

১৬ জমদগ্নির্ভার্গবঃ । মিত্রাবরুণৌ , ৫ মিত্রাবরুণাদিত্যাঃ, ৬আদিত্যাঃ, ৭-৮ অশ্বিনৌ, ৯-১০ বায়ুঃ, ১১-১২ সূর্যঃ, ১৩ উষাঃ সূর্যপ্রভা বা, ১৪ পবমানঃ, ১৫-১৬ গৌঃ । ১-২ প্রগাথঃ = ( বৃহতী, সতোবৃহতী ), ৩ গায়ত্রী , ৪ সতোবৃহতী , ৫-১৩ প্রগাথঃ = ( বিষমা বৃহতী, সমা সতোবৃহতী, ) ১৪-১৬ ত্রিষ্টুপ্ ।

ঋধগিত্থা স মর্ত্যঃ শশমে দেবতাতয়ে । যো নূনং মিত্রাবরুণাবভিষ্টয় আচক্রে হব্যদাতয়ে ॥১॥

101.2

বর্ষিষ্ঠক্ষত্রা উরুচক্ষসা নরা রাজানা দীর্ঘশ্রুত্তমা । তা বাহুতা ন দংসনা রথর্যতঃ সাকং সূর্যস্য রশ্মিভিঃ ॥২॥

101.3

প্র যো বাং মিত্রাবরুণাঽজিরো দূতো অদ্রবৎ । অয়ঃশীর্ষা মদেরঘুঃ ॥৩॥

101.4

ন যঃ সম্পৃচ্ছে ন পুনর্হবীতবে ন সংবাদায় রমতে । তস্মান্নো অদ্য সমৃতেরুরুষ্যতং বাহুভ্যাং ন উরুষ্যতম্ ॥৪॥

101.5

প্র মিত্রায় প্রার্যম্ণে সচথ্যমৃতাবসো । বরূথ্যং১ বরুণে ছন্দ্যং বচঃ স্তোত্রং রাজসু গায়ত ॥৫॥

101.6

তে হিন্বিরে অরুণং জেন্যং বস্বেকং পুত্রং তিসৄণাম্ । তে ধামান্যমৃতা মর্ত্যানামদব্ধা অভি চক্ষতে ॥৬॥

101.7

আ মে বচাংস্যুদ্যতা দ্যুমত্তমানি কর্ত্বা । উভা যাতং নাসত্যা সজোষসা প্রতি হব্যানি বীতয়ে ॥৭॥

101.8

রাতিং যদ্বামরক্ষসং হবামহে যুবাভ্যাং বাজিনীবসূ । প্রাচীং হোত্রাং প্রতিরন্তাবিতং নরা গৃণানা জমদগ্নিনা ॥৮॥

101.9

আ নো যজ্ঞং দিবিস্পৃশং বায়ো যাহি সুমন্মভিঃ । অন্তঃ পবিত্র উপরি শ্রীণানো৩ঽয়ং শুক্রো অয়ামি তে ॥৯॥

101.10

বেত্যধ্বর্যুঃ পথিভী রজিষ্ঠৈঃ প্রতি হব্যানি বীতয়ে ।
অধা নিয়ুত্ব উভয়স্য নঃ পিব শুচিং সোমং গবাশিরম্ ॥১০॥

101.11

বণ্মহাঁ অসি সূর্য বলাদিত্য মহাঁ অসি । মহস্তে সতো মহিমা পনস্যতেঽদ্ধা দেব মহাঁ অসি ॥১১॥

101.12

বট্ সূর্য শ্রবসা মহাঁ অসি সত্রা দেব মহাঁ অসি । মহ্না দেবানামসুর্যঃ পুরোহিতো বিভু জ্যোতিরদাভ্যম্ ॥১২॥

101.13

ইয়ং যা নীচ্যর্কিণী রূপা রোহিণ্যা কৃতা । চিত্রেব প্রত্যদর্শ্যায়ত্য১ন্তর্দশসু বাহুষু ॥১৩॥

101.14

প্রজা হ তিস্রো অত্যায়মীয়ুর্ন্য১ন্যা অর্কমভিতো বিবিশ্রে ।
বৃহদ্ধ তস্থৌ ভুবনেষ্বন্তঃ পবমানো হরিত আ বিবেশ ॥১৪॥

101.15

মাতা রুদ্রাণাং দুহিতা বসূনাং স্বসাদিত্যানামমৃতস্য নাভিঃ ।
প্র নু বোচং চিকিতুষে জনায় মা গামনাগামদিতিং বধিষ্ট ॥১৫॥

101.16

বচোবিদং বাচমুদীরয়ন্তীং বিশ্বাভির্ধীভিরুপতিষ্ঠমানাম্ ।
দেবীং দেবেভ্যঃ পর্যেয়ুষীং গামা মাবৃক্ত মর্ত্যো দভ্রচেতাঃ ॥১৬॥