সূক্ত 96

96.1

৬ মৈত্রাবরুণির্বসিষ্ঠঃ। সরস্বতী, ৪-৬ সরস্বান্ । ১-২= প্রগাথঃ (১ বৃহতী, ২ সতোবৃহতী ), ৩ প্রস্তারপংক্তিঃ, ৪-৬ গায়ত্রী।

বৃহদু গায়িষে বচোঽসুর্যা নদীনাম্ ।
সরস্বতীমিন্মহয়া সুবৃক্তিভিঃ স্তোমৈর্বসিষ্ঠ রোদসী ॥১॥

96.2

উভে যত্তে মহিনা শুভ্রে অন্ধসী অধিক্ষিয়ন্তি পূরবঃ ।
সা নো বোধ্যবিত্রী মরুত্সখা চোদ রাধো মঘোনাম্ ॥২॥

96.3

ভদ্রমিদ্ভদ্রা কৃণবত্সরস্বত্যকবারী চেততি বাজিনীবতী ।
গৃণানা জমদগ্নিবত্স্তুবানা চ বসিষ্ঠবৎ ॥৩॥

96.4

জনীয়ন্তো ন্বগ্রবঃ পুত্রীয়ন্তঃ সুদানবঃ । সরস্বন্তং হবামহে ॥৪॥

96.5

যে তে সরস্ব ঊর্ময়ো মধুমন্তো ঘৃতশ্চুতঃ । তেভির্নোঽবিতা ভব ॥৫॥

96.6

পীপিবাংসং সরস্বতঃ স্তনং যো বিশ্বদর্শতঃ । ভক্ষীমহি প্রজামিষম্ ॥৬॥