সূক্ত 95

95.1

৬ মৈত্রাবরুণির্বসিষ্ঠঃ। সরস্বতী , ৩ সরস্বান্ । ত্রিষ্টুপ্ ।

প্র ক্ষোদসা ধায়সা সস্র এষা সরস্বতী ধরুণমায়সী পূঃ ।
প্রবাবধানা রথ্যেব যাতি বিশ্বা অপো মহিনা সিন্ধুরন্যাঃ ॥১॥

95.2

একাচেতত্সরস্বতী নদীনাং শুচির্যতী গিরিভ্য আ সমুদ্রাৎ ।
রায়শ্চেতন্তী ভুবনস্য ভূরের্ঘৃতং পয়ো দুদুহে নাহুষায় ॥২॥

95.3

স বাবৃধে নর্যো যোষণাসু বৃষা শিশুর্বৃষভো যজ্ঞিয়াসু ।
স বাজিনং মঘবদ্ভ্যো দধাতি বি সাতয়ে তন্বং মামৃজীত ॥৩॥

95.4

উত স্যা নঃ সরস্বতী জুষাণোপ শ্রবত্সুভগা যজ্ণে অস্মিন্ ।
মিতজ্ঞুভির্নমস্যৈরিয়ানা রায়া যুজা চিদুত্তরা সখিভ্যঃ ॥৪॥

95.5

ইমা জুহ্বানা যুষ্মদা নমোভিঃ প্রতি স্তোমং সরস্বতি জুষস্ব ।
তব শর্মন্প্রিয়তমে দধানা উপ স্থেয়াম শরণং ন বৃক্ষম্ ॥৫॥

95.6

অয়মু তে সরস্বতি বসিষ্ঠো দ্বারাবৃতস্য সুভগে ব্যাবঃ ।
বর্ধ শুভ্রে স্তুবতে রাসি বাজান্যূয়ং পাত স্বস্তিভিঃ সদা নঃ ॥৬॥