সূক্ত 94

94.1

১২ মৈত্রাবরুণির্বসিষ্ঠঃ। ইন্দ্রাগ্নী।গায়ত্রী, ১২ অনুষ্টুপ্ ।

ইয়ং বামস্য মন্মন ইন্দ্রাগ্নী পূর্ব্যস্তুতিঃ । অভ্রাদ্বৃষ্টিরিবাজনি ॥১॥

শৃণুতং জরিতুর্হবমিন্দ্রাগ্নী বনতং গিরঃ । ঈশানা পিপ্যতং ধিয়ঃ ॥২॥

মা পাপত্বায় নো নরেন্দ্রাগ্নী মাভিশস্তয়ে । মা নো রীরধতং নিদে ॥৩॥

ইন্দ্রে অগ্না নমো বৃহত্সুবৃক্তিমেরয়ামহে । ধিয়া ধেনা অবস্যবঃ ॥৪॥

তা হি শশ্বন্ত ঈলত ইত্থা বিপ্রাস ঊতয়ে । সবাধো বাজসাতয়ে ॥৫॥

তা বাং গীর্ভির্বিপন্যবঃ প্রয়স্বন্তো হবামহে । মেধসাতা সনিষ্যবঃ ॥৬॥

ইন্দ্রাগ্নী অবসা গতমস্মভ্যং চর্ষণীসহা । মা নো দুঃশংস ঈশত ॥৭॥

মা কস্য নো অররুষো ধূর্তিঃ প্রণঙ্মর্ত্যস্য । ইন্দ্রাগ্নী শর্ম যচ্ছতম্ ॥৮॥

গোমদ্ধিরণ্যবদ্বসু যদ্বামশ্বাবদীমহে । ইন্দ্রাগ্নী তদ্বনেমহি ॥৯॥

যত্সোম আ সুতে নর ইন্দ্রাগ্নী অজোহবুঃ । সপ্তীবন্তা সপর্যবঃ ॥১০॥

উক্থেভির্বৃত্রহন্তমা যা মন্দানা চিদা গিরা । আঙ্গূষৈরাবিবাসতঃ ॥১১॥

তাবিদ্দুঃশংসং মর্ত্যং দুর্বিদ্বাংসং রক্ষস্বিনম্ । আভোগং হন্মনা হতমুদধিং হন্মনা হতম্ ॥১২॥