সূক্ত 93

93.1

৮ মৈত্রাবরুণির্বসিষ্ঠঃ। ইন্দ্রাগ্নী। ত্রিষ্টুপ্ ।

শুচিং নু স্তোমং নবজাতমদ্যেন্দ্রাগ্নী বৃত্রহণা জুষেথাম্ ।
উভা হি বাং সুহবা জোহবীমি তা বাজং সদ্য উশতে ধেষ্ঠা ॥১॥

93.2

তা সানসী শবসানা হি ভূতং সাকংবৃধা শবসা শূশুবাংসা ।
ক্ষয়ন্তৌ রায়ো যবসস্য ভূরেঃ পৃঙ্ক্তং বাজস্য স্থবিরস্য ঘৃষ্বেঃ ॥২॥

93.3

উপো হ যদ্বিদথং বাজিনো গুর্ধীভির্বিপ্রাঃ প্রমতিমিচ্ছমানাঃ ।
অর্বন্তো ন কাষ্ঠাং নক্ষমাণা ইন্দ্রাগ্নী জোহুবতো নরস্তে ॥৩॥

93.4

গীর্ভির্বিপ্রঃ প্রমতিমিচ্ছমান ঈট্টে রয়িং যশসং পূর্বভাজম্ ।
ইন্দ্রাগ্নী বৃত্রহণা সুবজ্রা প্র নো নব্যেভিস্তিরতং দেষ্ণৈঃ ॥৪॥

93.5

সং যন্মহী মিথতী স্পর্ধমানে তনূরুচা শূরসাতা যতৈতে ।
অদেবয়ুং বিদথে দেবয়ুভিঃ সত্রা হতং সোমসুতা জনেন ॥৫॥

93.6

ইমামু ষু সোমসুতিমুপ ন এন্দ্রাগ্নী সৌমনসায় যাতম্ ।
নূ চিদ্ধি পরিমম্নাথে অস্মানা বাং শশ্বদ্ভির্ববৃতীয় বাজৈঃ ॥৬॥

93.7

সো অগ্ন এনা নমসা সমিদ্ধোঽচ্ছা মিত্রং বরুণমিন্দ্রং বোচেঃ ।
যত্সীমাগশ্চকৃমা তত্সু মৃল তদর্যমাদিতিঃ শিশ্রথন্তু ॥৭॥

93.8

এতা অগ্ন আশুষাণাস ইষ্টীর্যুবোঃ সচাভ্যশ্যাম বাজান্ ।
মেন্দ্রো নো বিষ্ণুর্মরুতঃ পরি খ্যন্যূয়ং পাত স্বস্তিভিঃ সদা নঃ ॥৮॥