সূক্ত 9

9.1

৬ মৈত্রাবরুণির্বসিষ্ঠঃ। অগ্নিঃ । ত্রিষ্টুপ্ ।

অবোধি জার উষসামুপস্থাদ্ধোতা মন্দ্রঃ কবিতমঃ পাবকঃ ।
দধাতি কেতুমুভয়স্য জন্তোর্হব্যা দেবেষু দ্রবিণং সুকৃত্সু ॥১॥

9.2

স সুক্রতুর্যো বি দুরঃ পণীনাং পুনানো অর্কং পুরুভোজসং নঃ ।
হোতা মন্দ্রো বিশাং দমূনাস্তিরস্তমো দদৃশে রাম্যাণাম্ ॥২॥

9.3

অমূরঃ কবিরদিতির্বিবস্বান্ত্সুসংসন্মিত্রো অতিথিঃ শিবো নঃ ।
চিত্রভানুরুষসাং ভাত্যগ্রেঽপাং গর্ভঃ প্রস্ব১ আ বিবেশ ॥৩॥

9.4

ঈলেন্যো বো মনুষো যুগেষু সমনগা অশুচজ্জাতবেদাঃ ।
সুসংদৃশা ভানুনা যো বিভাতি প্রতি গাবঃ সমিধানং বুধন্ত ॥৪॥

9.5

অগ্নে যাহি দূত্যং১ মা রিষণ্যো দেবাঁ অচ্ছা ব্রহ্মকৃতা গণেন ।
সরস্বতীং মরুতো অশ্বিনাপো যক্ষি দেবান্রত্নধেয়ায় বিশ্বান্ ॥৫॥

9.6

ত্বামগ্নে সমিধানো বসিষ্ঠো জরূথং হন্যক্ষি রায়ে পুরংধিম্ ।
পুরুণীথা জাতবেদো জরস্ব যূয়ং পাত স্বস্তিভিঃ সদা নঃ ॥৬॥