সূক্ত 10

10.1

৫ । মৈত্রাবরুণির্বসিষ্ঠঃ। অগ্নিঃ । ত্রিষ্টুপ্

উষো ন জারঃ পৃথু পাজো অশ্রেদ্দবিদ্যুতদ্দীদ্যচ্ছোশুচানঃ ।
বৃষা হরিঃ শুচিরা ভাতি ভাসা ধিয়ো হিন্বান উশতীরজীগঃ ॥১॥

10.2

স্ব১র্ণ বস্তোরুষসামরোচি যজ্ঞং তন্বানা উশিজো ন মন্ম ।
অগ্নির্জন্মানি দেব আ বি বিদ্বান্দ্রবদ্দূতো দেবয়াবা বনিষ্ঠঃ ॥২॥

10.3

অচ্ছা গিরো মতয়ো দেবয়ন্তীরগ্নিং যন্তি দ্রবিণং ভিক্ষমাণাঃ ।
সুসংদৃশং সুপ্রতীকং স্বঞ্চং হব্যবাহমরতিং মানুষাণাম্ ॥৩॥

10.4

ইন্দ্রং নো অগ্নে বসুভিঃ সজোষা রুদ্রং রুদ্রেভিরা বহা বৃহন্তম্ ।
আদিত্যেভিরদিতিং বিশ্বজন্যাং বৃহস্পতিমৃক্বভির্বিশ্ববারম্ ॥৪॥

10.5

মন্দ্রং হোতারমুশিজো যবিষ্ঠমগ্নিং বিশ ঈলতে অধ্বরেষু ।
স হি ক্ষপাবাঁ অভবদ্রয়ীণামতন্দ্রো দূতো যজথায় দেবান্ ॥৫॥