সূক্ত 11

11.1

৫ মৈত্রাবরুণির্বসিষ্ঠঃ। অগ্নিঃ । ত্রিষ্টুপ্ ।

মহাঁ অস্যধ্বরস্য প্রকেতো ন ঋতে ত্বদমৃতা মাদয়ন্তে ।
আ বিশ্বেভিঃ সরথং যাহি দেবৈর্ন্যগ্নে হোতা প্রথমঃ সদেহ ॥১॥

11.2

ত্বামীলতে অজিরং দূত্যায় হবিষ্মন্তঃ সদমিন্মানুষাসঃ ।
যস্য দেবৈরাসদো বর্হিরগ্নেঽহান্যস্মৈ সুদিনা ভবন্তি ॥২॥

11.3

ত্রিশ্চিদক্তোঃ প্র চিকিতুর্বসূনি ত্বে অন্তর্দাশুষে মর্ত্যায় ।
মনুষ্বদগ্ন ইহ যক্ষি দেবান্ভবা নো দূতো অভিশস্তিপাবা ॥৩॥

11.4

অগ্নিরীশে বৃহতো অধ্বরস্যাঽগ্নির্বিশ্বস্য হবিষঃ কৃতস্য ।
ক্রতুং হ্যস্য বসবো জুষন্তাঽথা দেবা দধিরে হব্যবাহম্ ॥৪॥

11.5

আগ্নে বহ হবিরদ্যায় দেবানিন্দ্রজ্যেষ্ঠাস ইহ মাদয়ন্তাম্ ।
ইমং যজ্ঞং দিবি দেবেষু ধেহি যূয়ং পাত স্বস্তিভিঃ সদা নঃ ॥৫॥