সূক্ত 8

8.1

৭ মৈত্রাবরুণির্বসিষ্ঠঃ। অগ্নিঃ । ত্রিষ্টুপ্ ।

ইন্ধে রাজা সমর্যো নমোভির্যস্য প্রতীকমাহুতং ঘৃতেন ।
নরো হব্যেভিরীলতে সবাধ আগ্নিরগ্র উষসামশোচি ॥১॥

8.2

অয়মু ষ্য সুমহাঁ অবেদি হোতা মন্দ্রো মনুষো যহ্বো অগ্নিঃ ।
বি ভা অকঃ সসৃজানঃ পৃথিব্যাং কৃষ্ণপবিরোষধীভির্ববক্ষে ॥২॥

8.3

কয়া নো অগ্নে বি বসঃ সুবৃক্তিং কামু স্বধামৃণবঃ শস্যমানঃ ।
কদা ভবেম পতয়ঃ সুদত্র রায়ো বন্তারো দুষ্টরস্য সাধোঃ ॥৩॥

8.4

প্রপ্রায়মগ্নির্ভরতস্য শৃণ্বে বি যত্সূর্যো ন রোচতে বৃহদ্ভাঃ ।
অভি যঃ পূরুং পৃতনাসু তস্থৌ দ্যুতানো দৈব্যো অতিথিঃ শুশোচ ॥৪॥

8.5

অসন্নিত্ত্বে আহবনানি ভূরি ভুবো বিশ্বেভিঃ সুমনা অনীকৈঃ ।
স্তুতশ্চিদগ্নে শৃণ্বিষে গৃণানঃ স্বয়ং বর্ধস্ব তন্বং সুজাত ॥৫॥

8.6

ইদং বচঃ শতসাঃ সংসহস্রমুদগ্নয়ে জনিষীষ্ট দ্বিবর্হাঃ ।
শং যত্স্তোতৃভ্য আপয়ে ভবাতি দ্যুমদমীবচাতনং রক্ষোহা ॥৬॥

8.7

নূ ত্বামগ্ন ঈমহে বসিষ্ঠা ঈশানং সূনো সহসো বসূনাম্ ।
ইষং স্তোতৃভ্যো মঘবদ্ভ্য আনড্যূয়ং পাত স্বস্তিভিঃ সদা নঃ ॥৭॥