সূক্ত 87

87.1

৭ মৈত্রাবরুণির্বসিষ্ঠঃ। বরুণঃ। ত্রিষ্টুপ্ ।

রদত্পথো বরুণঃ সূর্যায় প্রার্ণাংসি সমুদ্রিয়া নদীনাম্ ।
সর্গো ন সৃষ্টো অর্বতীৠতায়ঞ্চকার মহীরবনীরহভ্যঃ ॥১॥

87.2

আত্মা তে বাতো রজ আ নবীনোত্পশুর্ন ভূর্ণির্যবসে সসবান্ ।
অন্তর্মহী বৃহতী রোদসীমে বিশ্বা তে ধাম বরুণ প্রিয়াণি ॥২॥

87.3

পরি স্পশো বরুণস্য স্মদিষ্টা উভে পশ্যন্তি রোদসী সুমেকে ।
ঋতাবানঃ কবয়ো যজ্ঞধীরাঃ প্রচেতসো য ইষয়ন্ত মন্ম ॥৩॥

87.4

উবাচ মে বরুণো মেধিরায় ত্রিঃ সপ্ত নামাঘ্ন্যা বিভর্তি ।
বিদ্বান্পদস্য গুহ্যা ন বোচদ্যুগায় বিপ্র উপরায় শিক্ষন্ ॥৪॥

87.5

তিস্রো দ্যাবো নিহিতা অন্তরস্মিন্তিস্রো ভূমীরুপরাঃ ষড্বিধানাঃ ।
গৃত্সো রাজা বরুণশ্চক্র এতং দিবি প্রেঙ্খং হিরণ্যয়ং শুভে কম্ ॥৫॥

87.6

অব সিন্ধুং বরুণো দ্যৌরিব স্থাদ্দ্রপ্সো ন শ্বেতো মৃগস্তুবিষ্মান্ ।
গম্ভীরশংসো রজসো বিমানঃ সুপারক্ষত্রঃ সতো অস্য রাজা ॥৬॥

87.7

যো মৃলয়াতি চক্রুষে চিদাগো বয়ং স্যাম বরুণে অনাগাঃ ।
অনু ব্রতান্যদিতেৠধন্তো যূয়ং পাত স্বস্তিভিঃ সদা নঃ ॥৭॥