সূক্ত 86

86.1

৮ মৈত্রাবরুণির্বসিষ্ঠঃ। বরুণঃ । ত্রিষ্টুপ্ ।

ধীরা ত্বস্য মহিনা জনূংষি বি যস্তস্তম্ভ রোদসী চিদুর্বী ।
প্র নাকমৃষ্বং নুনুদে বৃহন্তং দ্বিতা নক্ষত্রং পপ্রথচ্চ ভূম ॥১॥

86.2

উত স্বয়া তন্বা৩ সং বদে তত্কদা ন্ব১ন্তর্বরুণে ভুবানি ।
কিং মে হব্যমহৃণানো জুষেত কদা মৃলীকং সুমনা অভি খ্যম্ ॥২॥

86.3

পৃচ্ছে তদেনো বরুণ দিদৃক্ষূপো এমি চিকিতুষো বিপৃচ্ছম্ ।
সমানমিন্মে কবয়শ্চিদাহুরয়ং হ তুভ্যং বরুণো হৃণীতে ॥৩॥

86.4

কিমাগ আস বরুণ জ্যেষ্ঠং যত্স্তোতারং জিঘাংসসি সখায়ম্ ।
প্র তন্মে বোচো দূলভ স্বধাবোঽব ত্বানেনা নমসা তুর ইয়াম্ ॥৪॥

86.5

অব দ্রুগ্ধানি পিত্র্যা সৃজা নোঽব যা বয়ং চকৃমা তনূভিঃ ।
অব রাজন্পশুতৃপং ন তায়ুং সৃজা বত্সং ন দাম্নো বসিষ্ঠম্ ॥৫॥

86.6

ন স স্বো দক্ষো বরুণ ধ্রুতিঃ সা সুরা মন্যুর্বিভীদকো অচিত্তিঃ ।
অস্তি জ্যায়ান্কনীয়স উপারে স্বপ্নশ্চনেদনৃতস্য প্রয়োতা ॥৬॥

86.7

অরং দাসো ন মীল্হুষে করাণ্যহং দেবায় ভূর্ণয়েঽনাগাঃ ।
অচেতয়দচিতো দেবো অর্যো গৃত্সং রায়ে কবিতরো জুনাতি ॥৭॥

86.8

অয়ং সু তুভ্যং বরুণ স্বধাবো হৃদি স্তোম উপশ্রিতশ্চিদস্তু ।
শং নঃ ক্ষেমে শমু যোগে নো অস্তু যূয়ং পাত স্বস্তিভিঃ সদা নঃ ॥৮॥