সূক্ত 73

73.1

৫ মৈত্রাবরুণির্বসিষ্ঠঃ। অশ্বিনৌ । ত্রিষ্টুপ্ ।

অতারিষ্ম তমসস্পারমস্য প্রতি স্তোমং দেবয়ন্তো দধানাঃ ।
পুরুদংসা পুরুতমা পুরাজাঽমর্ত্যা হবতে অশ্বিনা গীঃ ॥১॥

73.2

ন্যু প্রিয়ো মনুষঃ সাদি হোতা নাসত্যা যো যজতে বন্দতে চ ।
অশ্নীতং মধ্বো অশ্বিনা উপাক আ বাং বোচে বিদথেষু প্রয়স্বান্ ॥২॥

73.3

অহেম যজ্ঞং পথামুরাণা ইমাং সুবৃক্তিং বৃষণা জুষেথাম্ ।
শ্রুষ্টীবেব প্রেষিতো বামবোধি প্রতি স্তোমৈর্জরমাণো বসিষ্ঠঃ ॥৩॥

73.4

উপ ত্যা বহ্নী গমতো বিশং নো রক্ষোহণা সম্ভৃতা বীলুপাণী ।
সমন্ধাংস্যগ্মত মত্সরাণি মা নো মর্ধিষ্টমা গতং শিবেন ॥৪॥

73.5

আ পশ্চাতান্নাসত্যা পুরস্তাদাশ্বিনা যাতমধরাদুদক্তাৎ ।
আ বিশ্বতঃ পাঞ্চজন্যেন রায়া যূয়ং পাত স্বস্তিভিঃ সদা নঃ ॥৫॥