Sukta 73

73.1

5 maitravarunirvasishthah, ashvinau, trishtup

अता॑रिष्म॒ तम॑सस्पा॒रम॒स्य प्रति॒ स्तोमं॑ देव॒यन्तो॒ दधा॑नाः ।
पु॒रु॒दंसा॑ पुरु॒तमा॑ पुरा॒जाऽम॑र्त्या हवते अ॒श्विना॒ गीः ॥१॥

Atarishma tamasasparamasya prati stomam devayanto dadhanah
Purudansa purutama purajamartya havate ashvina gih

न्यु॑ प्रि॒यो मनु॑षः सादि॒ होता॒ नास॑त्या॒ यो यज॑ते॒ वन्द॑ते च ।
अ॒श्नी॒तं मध्वो॑ अश्विना उपा॒क आ वां॑ वोचे वि॒दथे॑षु॒ प्रय॑स्वान् ॥२॥

Nyu priyo manushah sadi hota nasatya yo yajate vandate cha
Ashnitam madhvo ashvina upaka a vam voche vidatheshu prayasvan

अहे॑म य॒ज्ञं प॒थामु॑रा॒णा इ॒मां सु॑वृ॒क्तिं वृ॑षणा जुषेथाम् ।
श्रु॒ष्टी॒वेव॒ प्रेषि॑तो वामबोधि॒ प्रति॒ स्तोमै॒र्जर॑माणो॒ वसि॑ष्ठः ॥३॥

Ahema yagyam pathamurana imam suvriktim vrishana jushetham
Shrushtiveva preshito vamabodhi prati stomairjaramano vasishthah

उप॒ त्या वह्नी॑ गमतो॒ विशं॑ नो रक्षो॒हणा॒ सम्भृ॑ता वी॒ळुपा॑णी ।
समन्धां॑स्यग्मत मत्स॒राणि॒ मा नो॑ मर्धिष्ट॒मा ग॑तं शि॒वेन॑ ॥४॥

Upa tya vahni gamato visham no rakshohana sambhrita vilupani
Samandhansyagmata matsarani ma no mardhishtama gatam shivena

आ प॒श्चाता॑न्नास॒त्या पु॒रस्ता॒दाश्वि॑ना यातमध॒रादुद॑क्तात् ।
आ वि॒श्वत॒ः पाञ्च॑जन्येन रा॒या यू॒यं पा॑त स्व॒स्तिभि॒ः सदा॑ नः ॥५॥

A pashchatannasatya purastadashvina yatamadharadudaktat
A vishvatah panchajanyena raya yuyam pata svastibhih sada nah