সূক্ত 72

72.1

৫ মৈত্রাবরুণির্বসিষ্ঠঃ। অশ্বিনৌ । ত্রিষ্টুপ্ ।

আ গোমতা নাসত্যা রথেনাঽশ্বাবতা পুরুশ্চন্দ্রেণ যাতম্ ।
অভি বাং বিশ্বা নিয়ুতঃ সচন্তে স্পার্হয়া শ্রিয়া তন্বা শুভানা ॥১॥

72.2

আ নো দেবেভিরুপ যাতমর্বাক্সজোষসা নাসত্যা রথেন ।
যুবোর্হি নঃ সখ্যা পিত্র্যাণি সমানো বন্ধুরুত তস্য বিত্তম্ ॥২॥

72.3

উদু স্তোমাসো অশ্বিনোরবুধ্রঞ্জামি ব্রহ্মাণ্যুষসশ্চ দেবীঃ ।
আবিবাসন্রোদসী ধিষ্ণ্যেমে অচ্ছা বিপ্রো নাসত্যা বিবক্তি ॥৩॥

72.4

বি চেদুচ্ছন্ত্যশ্বিনা উষাসঃ প্র বাং ব্রহ্মাণি কারবো ভরন্তে ।
ঊর্ধ্বং ভানুং সবিতা দেবো অশ্রেদ্বৃহদগ্নয়ঃ সমিধা জরন্তে ॥৪॥

72.5

আ পশ্চাতান্নাসত্যা পুরস্তাদাশ্বিনা যাতমধরাদুদক্তাৎ ।
আ বিশ্বতঃ পাঞ্চজন্যেন রায়া যূয়ং পাত স্বস্তিভিঃ সদা নঃ ॥৫॥