সূক্ত 65

65.1

৫ মৈত্রাবরুণির্বসিষ্ঠঃ। মিত্রাবরুণৌ । ত্রিষ্টুপ্ ।

প্রতি বাং সূর উদিতে সূক্তৈর্মিত্রং হুবে বরুণং পূতদক্ষম্ ।
যয়োরসুর্য১মক্ষিতং জ্যেষ্ঠং বিশ্বস্য যামন্নাচিতা জিগত্নু ॥১॥

65.2

তা হি দেবানামসুরা তাবর্যা তা নঃ ক্ষিতীঃ করতমূর্জয়ন্তীঃ ।
অশ্যাম মিত্রাবরুণা বয়ং বাং দ্যাবা চ যত্র পীপয়ন্নহা চ ॥২॥

65.3

তা ভূরিপাশাবনৃতস্য সেতূ দুরত্যেতূ রিপবে মর্ত্যায় ।
ঋতস্য মিত্রাবরুণা পথা বামপো ন নাবা দুরিতা তরেম ॥৩॥

65.4

আ নো মিত্রাবরুণা হব্যজুষ্টিং ঘৃতৈর্গব্যূতিমুক্ষতমিলাভিঃ ।
প্রতি বামত্র বরমা জনায় পৃণীতমুদ্নো দিব্যস্য চারোঃ ॥৪॥

65.5

এষ স্তোমো বরুণ মিত্র তুভ্যং সোমঃ শুক্রো ন বায়বেঽয়ামি ।
অবিষ্টং ধিয়ো জিগৃতং পুরংধীর্যূয়ং পাত স্বস্তিভিঃ সদা নঃ ॥৫॥