সূক্ত 64

64.1

৫ মৈত্রাবরুণির্বসিষ্ঠঃ। মিত্রাবরুণৌ। ত্রিষ্টুপ্ ।

দিবি ক্ষয়ন্তা রজসঃ পৃথিব্যাং প্র বাং ঘৃতস্য নির্ণিজো দদীরন্ ।
হব্যং নো মিত্রো অর্যমা সুজাতো রাজা সুক্ষত্রো বরুণো জুষন্ত ॥১॥

64.2

আ রাজানা মহ ঋতস্য গোপা সিন্ধুপতী ক্ষত্রিয়া যাতমর্বাক্ ।
ইলাং নো মিত্রাবরুণোত বৃষ্টিমব দিব ইন্বতং জীরদানূ ॥২॥

64.3

মিত্রস্তন্নো বরুণো দেবো অর্যঃ প্র সাধিষ্ঠেভিঃ পথিভির্নয়ন্তু ।
ব্রবদ্যথা ন আদরিঃ সুদাস ইষা মদেম সহ দেবগোপাঃ ॥৩॥

64.4

যো বাং গর্তং মনসা তক্ষদেতমূর্ধ্বাং ধীতিং কৃণবদ্ধারয়চ্চ ।
উক্ষেথাং মিত্রাবরুণা ঘৃতেন তা রাজানা সুক্ষিতীস্তর্পয়েথাম্ ॥৪॥

64.5

এষ স্তোমো বরুণ মিত্র তুভ্যং সোমঃ শুক্রো ন বায়বেঽয়ামি ।
অবিষ্টং ধিয়ো জিগৃতং পুরংধীর্যূয়ং পাত স্বস্তিভিঃ সদা নঃ ॥৫॥