সূক্ত 63

63.1

৬ মৈত্রাবরুণির্বসিষ্ঠঃ। ১-৪ সূর্যঃ, ৫ সূর্য – মিত্রাবরুণাঃ, ৬ মিত্রাবরুণৌ অর্যমা চ । ত্রিষ্টুপ্ ।

উদ্বেতি সুভগো বিশ্বচক্ষাঃ সাধারণঃ সূর্যো মানুষাণাম্ ।
চক্ষুর্মিত্রস্য বরুণস্য দেবশ্চর্মেব যঃ সমবিব্যক্তমাংসি ॥১॥

63.2

উদ্বেতি প্রসবীতা জনানাং মহান্কেতুরর্ণবঃ সূর্যস্য ।
সমানং চক্রং পর্যাবিবৃত্সন্যদেতশো বহতি ধূর্ষু যুক্তঃ ॥২॥

63.3

বিভ্রাজমান উষসামুপস্থাদ্রেভৈরুদেত্যনুমদ্যমানঃ ।
এষ মে দেবঃ সবিতা চচ্ছন্দ যঃ সমানং ন প্রমিনাতি ধাম ॥৩॥

63.4

দিবো রুক্ম উরুচক্ষা উদেতি দূরেঅর্থস্তরণির্ভ্রাজমানঃ ।
নূনং জনাঃ সূর্যেণ প্রসূতা অয়ন্নর্থানি কৃণবন্নপাংসি ॥৪॥

63.5

যত্রা চক্রুরমৃতা গাতুমস্মৈ শ্যেনো ন দীয়ন্নন্বেতি পাথঃ ।
প্রতি বাং সূর উদিতে বিধেম নমোভির্মিত্রাবরুণোত হব্যৈঃ ॥৫॥

63.6

নূ মিত্রো বরুণো অর্যমা নস্ত্মনে তোকায় বরিবো দধন্তু ।
সুগা নো বিশ্বা সুপথানি সন্তু যূয়ং পাত স্বস্তিভিঃ সদা নঃ ॥৬॥