সূক্ত 62

62.1

৬ মৈত্রাবরুণির্বসিষ্ঠঃ। ১-৩ সূর্যঃ, ৪-৬ মিত্রাবরুণৌ । ত্রিষ্টুপ্ ।

উত্সূর্যো বৃহদর্চীংষ্যশ্রেত্পুরু বিশ্বা জনিম মানুষাণাম্ ।
সমো দিবা দদৃশে রোচমানঃ ক্রত্বা কৃতঃ সুকৃতঃ কর্তৃভির্ভূৎ ॥১॥

62.2

স সূর্য প্রতি পুরো ন উদ্গা এভিঃ স্তোমেভিরেতশেভিরেবৈঃ ।
প্র নো মিত্রায় বরুণায় বোচোঽনাগসো অর্যম্ণে অগ্নয়ে চ ॥২॥

62.3

বি নঃ সহস্রং শুরুধো রদন্ত্বৃতাবানো বরুণো মিত্রো অগ্নিঃ ।
যচ্ছন্তু চন্দ্রা উপমং নো অর্কমা নঃ কামং পূপুরন্তু স্তবানাঃ ॥৩॥

62.4

দ্যাবাভূমী অদিতে ত্রাসীথাং নো যে বাং জজ্ঞুঃ সুজনিমান ঋষ্বে ।
মা হেলে ভূম বরুণস্য বায়োর্মা মিত্রস্য প্রিয়তমস্য নৃণাম্ ॥৪॥

62.5

প্র বাহবা সিসৃতং জীবসে ন আ নো গব্যূতিমুক্ষতং ঘৃতেন ।
আ নো জনে শ্রবয়তং যুবানা শ্রুতং মে মিত্রাবরুণা হবেমা ॥৫॥

62.6

নূ মিত্রো বরুণো অর্যমা নস্ত্মনে তোকায় বরিবো দধন্তু ।
সুগা নো বিশ্বা সুপথানি সন্তু যূয়ং পাত স্বস্তিভিঃ সদা নঃ ॥৬॥