সূক্ত 44

44.1

৫ মৈত্রাবরুণির্বসিষ্ঠঃ। দধিকাঃ, ১ দধিকাশ্ব্যুষোঽ গ্নিভগেন্দ্রবিষ্ণুপূষব্রহ্মণস্পত্যাদিত্যদ্যাবাপৃথিব্যাপঃ। ত্রিষ্টুপ্ ,১ জগতী।

দধিক্রাং বঃ প্রথমমশ্বিনোষসমগ্নিং সমিদ্ধং ভগমূতয়ে হুবে ।
ইন্দ্রং বিষ্ণুং পূষণং ব্রহ্মণস্পতিমাদিত্যান্দ্যাবাপৃথিবী অপঃ স্বঃ ॥১॥

44.2

দধিক্রামু নমসা বোধয়ন্ত উদীরাণা যজ্ঞমুপপ্রয়ন্তঃ ।
ইলাং দেবীং বর্হিষি সাদয়ন্তোঽশ্বিনা বিপ্রা সুহবা হুবেম ॥২॥

44.3

দধিক্রাবাণং বুবুধানো অগ্নিমুপ ব্রুব উষসং সূর্যং গাম্ ।
ব্রধ্নং মংশ্চতোর্বরুণস্য বভ্রুং তে বিশ্বাস্মদ্দুরিতা যাবয়ন্তু ॥৩॥

44.4

দধিক্রাবা প্রথমো বাজ্যর্বাঽগ্রে রথানাং ভবতি প্রজানন্ ।
সংবিদান উষসা সূর্যেণাঽঽদিত্যেভির্বসুভিরঙ্গিরোভিঃ ॥৪॥

44.5

আ নো দধিক্রাঃ পথ্যামনক্ত্বৃতস্য পন্থামন্বেতবা উ ।
শৃণোতু নো দৈব্যং শর্ধো অগ্নিঃ শৃণ্বন্তু বিশ্বে মহিষা অমূরাঃ ॥৫॥