সূক্ত 43

43.1

৫ মৈত্রাবরুণির্বসিষ্ঠঃ। বিশ্বে দেবাঃ । ত্রিষ্টুপ্ ।

প্র বো যজ্ঞেষু দেবয়ন্তো অর্চন্দ্যাবা নমোভিঃ পৃথিবী ইষধ্যৈ ।
যেষাং ব্রহ্মাণ্যসমানি বিপ্রা বিষ্বগ্বিয়ন্তি বনিনো ন শাখাঃ ॥১॥

43.2

প্র যজ্ঞ এতু হেত্বো ন সপ্তিরুদ্যচ্ছধ্বং সমনসো ঘৃতাচীঃ ।
স্তৃণীত বর্হিরধ্বরায় সাধূর্ধ্বা শোচীংষি দেবয়ূন্যস্থুঃ ॥২॥

43.3

আ পুত্রাসো ন মাতরং বিভৃত্রাঃ সানৌ দেবাসো বর্হিষঃ সদন্তু ।
আ বিশ্বাচী বিদথ্যামনক্ত্বগ্নে মা নো দেবতাতা মৃধস্কঃ ॥৩॥

43.4

তে সীষপন্ত জোষমা যজত্রা ঋতস্য ধারাঃ সুদুঘা দুহানাঃ ।
জ্যেষ্ঠং বো অদ্য মহ আ বসূনামা গন্তন সমনসো যতি ষ্ঠ ॥৪॥

43.5

এবা নো অগ্নে বিক্ষ্বা দশস্য ত্বয়া বয়ং সহসাবন্নাস্ক্রাঃ ।
রায়া যুজা সধমাদো অরিষ্টা যূয়ং পাত স্বস্তিভিঃ সদা নঃ ॥৫॥