Sukta 43

43.1

5 maitravarunirvasishthah, vishve devah, trishtup

प्र वो॑ य॒ज्ञेषु॑ देव॒यन्तो॑ अर्च॒न्द्यावा॒ नमो॑भिः पृथि॒वी इ॒षध्यै॑ ।
येषां॒ ब्रह्मा॒ण्यस॑मानि॒ विप्रा॒ विष्व॑ग्वि॒यन्ति॑ व॒निनो॒ न शाखा॑ः ॥१॥

Pra vo yagyeshu devayanto archandyava namobhih prithivi ishadhyai
Yesham brahmanyasamani vipra vishvagviyanti vanino na shakhah

43.2

प्र य॒ज्ञ ए॑तु॒ हेत्वो॒ न सप्ति॒रुद्य॑च्छध्वं॒ सम॑नसो घृ॒ताची॑ः ।
स्तृ॒णी॒त ब॒र्हिर॑ध्व॒राय॑ सा॒धूर्ध्वा शो॒चींषि॑ देव॒यून्य॑स्थुः ॥२॥

Pra yagya etu hetvo na saptirudyachchhadhvam samanaso ghritachih
Strinita barhiradhvaraya sadhurdhva shochinshi devayunyasthuh

43.3

आ पु॒त्रासो॒ न मा॒तरं॒ विभृ॑त्रा॒ः सानौ॑ दे॒वासो॑ ब॒र्हिष॑ः सदन्तु ।
आ वि॒श्वाची॑ विद॒थ्या॑मन॒क्त्वग्ने॒ मा नो॑ दे॒वता॑ता॒ मृध॑स्कः ॥३॥

A putraso na mataram vibhritrah sanau devaso barhishah sadantu
A vishvachi vidathyamanaktvagne ma no devatata mridhaskah

43.4

ते सी॑षपन्त॒ जोष॒मा यज॑त्रा ऋ॒तस्य॒ धारा॑ः सु॒दुघा॒ दुहा॑नाः ।
ज्येष्ठं॑ वो अ॒द्य मह॒ आ वसू॑ना॒मा ग॑न्तन॒ सम॑नसो॒ यति॒ ष्ठ ॥४॥

Te sishapanta joshama yajatra ritasya dharah sudugha duhanah
Jyeshtham vo adya maha a vasunama gantana samanaso yati shtha

43.5

ए॒वा नो॑ अग्ने वि॒क्ष्वा द॑शस्य॒ त्वया॑ व॒यं स॑हसाव॒न्नास्क्रा॑ः ।
रा॒या यु॒जा स॑ध॒मादो॒ अरि॑ष्टा यू॒यं पा॑त स्व॒स्तिभि॒ः सदा॑ नः ॥५॥

Eva no agne vikshva dashasya tvaya vayam sahasavannaskrah
Raya yuja sadhamado arishta yuyam pata svastibhih sada nah