Sukta 42

42.1

6 maitravarunirvasishthah, vishve devah, trishtup

प्र ब्र॒ह्माणो॒ अङ्गि॑रसो नक्षन्त॒ प्र क्र॑न्द॒नुर्न॑भ॒न्य॑स्य वेतु ।
प्र धे॒नव॑ उद॒प्रुतो॑ नवन्त यु॒ज्याता॒मद्री॑ अध्व॒रस्य॒ पेश॑ः ॥१॥

Pra brahmano angiraso nakshanta pra krandanurnabhanyasya vetu
Pra dhenava udapruto navanta yujyatamadri adhvarasya peshah

42.2

सु॒गस्ते॑ अग्ने॒ सन॑वित्तो॒ अध्वा॑ यु॒क्ष्वा सु॒ते ह॒रितो॑ रो॒हित॑श्च ।
ये वा॒ सद्म॑न्नरु॒षा वी॑र॒वाहो॑ हु॒वे दे॒वानां॒ जनि॑मानि स॒त्तः ॥२॥

Sugaste agne sanavitto adhva yukshva sute harito rohitashcha
Ye va sadmannarusha viravaho huve devanam janimani sattah

42.3

समु॑ वो य॒ज्ञं म॑हय॒न्नमो॑भि॒ः प्र होता॑ म॒न्द्रो रि॑रिच उपा॒के ।
यज॑स्व॒ सु पु॑र्वणीक दे॒वाना य॒ज्ञिया॑म॒रम॑तिं ववृत्याः ॥३॥

Samu vo yagyam mahayannamobhih pra hota mandro riricha upake
Yajasva su purvanika devana yagyiyamaramatim vavrityah

42.4

य॒दा वी॒रस्य॑ रे॒वतो॑ दुरो॒णे स्यो॑न॒शीरति॑थिरा॒चिके॑तत् ।
सुप्री॑तो अ॒ग्निः सुधि॑तो॒ दम॒ आ स वि॒शे दा॑ति॒ वार्य॒मिय॑त्यै ॥४॥

Yada virasya revato durone syonashiratithirachiketat
Suprito agnih sudhito dama a sa vishe dati varyamiyatyai

42.5

इ॒मं नो॑ अग्ने अध्व॒रं जु॑षस्व म॒रुत्स्विन्द्रे॑ य॒शसं॑ कृधी नः ।
आ नक्ता॑ ब॒र्हिः स॑दतामु॒षासो॒शन्ता॑ मि॒त्रावरु॑णा यजे॒ह ॥५॥

Imam no agne adhvaram jushasva marutsvindre yashasam kridhi nah
A nakta barhih sadatamushasoshanta mitravaruna yajeha

42.6

ए॒वाग्निं स॑ह॒स्यं१ वसि॑ष्ठो रा॒यस्का॑मो वि॒श्वप्स्न्य॑स्य स्तौत् ।
इषं॑ र॒यिं प॑प्रथ॒द्वाज॑म॒स्मे यू॒यं पा॑त स्व॒स्तिभि॒ः सदा॑ नः ॥६॥

Evagnim sahasyan1 vasishtho rayaskamo vishvapsnyasya staut
Isham rayim paprathadvajamasme yuyam pata svastibhih sada nah