সূক্ত 42

42.1

৬ মৈত্রাবরুণির্বসিষ্ঠঃ। বিশ্বে দেবাঃ । ত্রিষ্টুপ্ ।

প্র ব্রহ্মাণো অঙ্গিরসো নক্ষন্ত প্র ক্রন্দনুর্নভন্যস্য বেতু ।
প্র ধেনব উদপ্রুতো নবন্ত যুজ্যাতামদ্রী অধ্বরস্য পেশঃ ॥১॥

42.2

সুগস্তে অগ্নে সনবিত্তো অধ্বা যুক্ষ্বা সুতে হরিতো রোহিতশ্চ ।
যে বা সদ্মন্নরুষা বীরবাহো হুবে দেবানাং জনিমানি সত্তঃ ॥২॥

42.3

সমু বো যজ্ঞং মহয়ন্নমোভিঃ প্র হোতা মন্দ্রো রিরিচ উপাকে ।
যজস্ব সু পুর্বণীক দেবানা যজ্ঞিয়ামরমতিং ববৃত্যাঃ ॥৩॥

42.4

যদা বীরস্য রেবতো দুরোণে স্যোনশীরতিথিরাচিকেতৎ ।
সুপ্রীতো অগ্নিঃ সুধিতো দম আ স বিশে দাতি বার্যমিয়ত্যৈ ॥৪॥

42.5

ইমং নো অগ্নে অধ্বরং জুষস্ব মরুত্স্বিন্দ্রে যশসং কৃধী নঃ ।
আ নক্তা বর্হিঃ সদতামুষাসোশন্তা মিত্রাবরুণা যজেহ ॥৫॥

42.6

এবাগ্নিং সহস্যং১ বসিষ্ঠো রায়স্কামো বিশ্বপ্স্ন্যস্য স্তৌৎ ।
ইষং রয়িং পপ্রথদ্বাজমস্মে যূয়ং পাত স্বস্তিভিঃ সদা নঃ ॥৬॥