সূক্ত 45

45.1

৪ মৈত্রাবরুণির্বসিষ্ঠঃ। সবিতা । ত্রিষ্টুপ্ ।

আ দেবো যাতু সবিতা সুরত্নোঽন্তরিক্ষপ্রা বহমানো অশ্বৈঃ ।
হস্তে দধানো নর্যা পুরূণি নিবেশয়ঞ্চ প্রসুবঞ্চ ভূম ॥১॥

45.2

উদস্য বাহূ শিথিরা বৃহন্তা হিরণ্যয়া দিবো অন্তাঁ অনষ্টাম্ ।
নূনং সো অস্য মহিমা পনিষ্ট সূরশ্চিদস্মা অনু দাদপস্যাম্ ॥২॥

45.3

স ঘা নো দেবঃ সবিতা সহাবা ঽঽসাবিষদ্বসুপতির্বসূনি ।
বিশ্রয়মাণো অমতিমুরূচীং মর্তভোজনমধ রাসতে নঃ ॥৩॥

45.4

ইমা গিরঃ সবিতারং সুজিহ্বং পূর্ণগভস্তিমীলতে সুপাণিম্ ।
চিত্রং বয়ো বৃহদস্মে দধাতু যূয়ং পাত স্বস্তিভিঃ সদা নঃ ॥৪॥