সূক্ত 39

39.1

৭ মৈত্রাবরুণির্বসিষ্ঠঃ। বিশ্বে দেবাঃ । ত্রিষ্টুপ্ ।

ঊর্ধ্বো অগ্নিঃ সুমতিং বস্বো অশ্রেত্প্রতীচী জূর্ণির্দেবতাতিমেতি ।
ভেজাতে অদ্রী রথ্যেব পন্থামৃতং হোতা ন ইষিতো যজাতি ॥১॥

39.2

প্র বাবৃজে সুপ্রয়া বর্হিরেষামা বিশ্পতীব বীরিট ইয়াতে ।
বিশামক্তোরুষসঃ পূর্বহূতৌ বায়ুঃ পূষা স্বস্তয়ে নিয়ুত্বান্ ॥২॥

39.3

জ্ময়া অত্র বসবো রন্ত দেবা উরাবন্তরিক্ষে মর্জয়ন্ত শুভ্রাঃ ।
অর্বাক্পথ উরুজ্রয়ঃ কৃণুধ্বং শ্রোতা দূতস্য জগ্মুষো নো অস্য ॥৩॥

39.4

তে হি যজ্ঞেষু যজ্ঞিয়াস ঊমাঃ সধস্থং বিশ্বে অভি সন্তি দেবাঃ ।
তাঁ অধ্বর উশতো যক্ষ্যগ্নে শ্রুষ্টী ভগং নাসত্যা পুরংধিম্ ॥৪॥

39.5

আগ্নে গিরো দিব আ পৃথিব্যা মিত্রং বহ বরুণমিন্দ্রমগ্নিম্ ।
আর্যমণমদিতিং বিষ্ণুমেষাং সরস্বতী মরুতো মাদয়ন্তাম্ ॥৫॥

39.6

ররে হব্যং মতিভির্যজ্ঞিয়ানাং নক্ষত্কামং মর্ত্যানামসিন্বন্ ।
ধাতা রয়িমবিদস্যং সদাসাং সক্ষীমহি যুজ্যেভির্নু দেবৈঃ ॥৬॥

39.7

নূ রোদসী অভিষ্টুতে বসিষ্ঠৈৠতাবানো বরুণো মিত্রো অগ্নিঃ ।
যচ্ছন্তু চন্দ্রা উপমং নো অর্কং যূয়ং পাত স্বস্তিভিঃ সদা নঃ ॥৭॥