সূক্ত 40

40.1

৭ মৈত্রাবরুণির্বসিষ্ঠঃ। বিশ্বে দেবাঃ । ত্রিষ্টুপ্ ।

ও শ্রুষ্টির্বিদথ্যা৩ সমেতু প্রতি স্তোমং দধীমহি তুরাণাম্ ।
যদদ্য দেবঃ সবিতা সুবাতি স্যামাস্য রত্নিনো বিভাগে ॥১॥

40.2

মিত্রস্তন্নো বরুণো রোদসী চ দ্যুভক্তমিন্দ্রো অর্যমা দদাতু ।
দিদেষ্টু দেব্যদিতী রেক্ণো বায়ুশ্চ যন্নিয়ুবৈতে ভগশ্চ ॥২॥

40.3

সেদুগ্রো অস্তু মরুতঃ স শুষ্মী যং মর্ত্যং পৃষদশ্বা অবাথ ।
উতেমগ্নিঃ সরস্বতী জুনন্তি ন তস্য রায়ঃ পর্যেতাস্তি ॥৩॥

40.4

অয়ং হি নেতা বরুণ ঋতস্য মিত্রো রাজানো অর্যমাপো ধুঃ ।
সুহবা দেব্যদিতিরনর্বা তে নো অংহো অতি পর্ষন্নরিষ্টান্ ॥৪॥

40.5

অস্য দেবস্য মীল্হুষো বয়া বিষ্ণোরেষস্য প্রভৃথে হবির্ভিঃ ।
বিদে হি রুদ্রো রুদ্রিয়ং মহিত্বং যাসিষ্টং বর্তিরশ্বিনাবিরাবৎ ॥৫॥

40.6

মাত্র পূষন্নাঘৃণ ইরস্যো বরূত্রী যদ্রাতিষাচশ্চ রাসন্ ।
ময়োভুবো নো অর্বন্তো নি পান্তু বৃষ্টিং পরিজ্মা বাতো দদাতু ॥৬॥

40.7

নূ রোদসী অভিষ্টুতে বসিষ্ঠৈৠতাবানো বরুণো মিত্রো অগ্নিঃ ।
যচ্ছন্তু চন্দ্রা উপমং নো অর্কং যূয়ং পাত স্বস্তিভিঃ সদা নঃ ॥৭॥