সূক্ত 38

38.1

৮ মৈত্রাবরুণির্বসিষ্ঠঃ। ১-৬ সবিতা , ৬ উত্তরার্ধস্য ভগো বা , ৭-৮ বাজিনঃ । ত্রিষ্টুপ্ ।

উদু ষ্য দেবঃ সবিতা যয়াম হিরণ্যয়ীমমতিং যামশিশ্রেৎ ।
নূনং ভগো হব্যো মানুষেভির্বি যো রত্না পুরূবসুর্দধাতি ॥১॥

38.2

উদু তিষ্ঠ সবিতঃ শ্রুধ্য১স্য হিরণ্যপাণে প্রভৃতাবৃতস্য ।
ব্যু১র্বীং পৃথ্বীমমতিং সৃজান আ নৃভ্যো মর্তভোজনং সুবানঃ ॥২॥

38.3

অপি ষ্টুতঃ সবিতা দেবো অস্তু যমা চিদ্বিশ্বে বসবো গৃণন্তি ।
স নঃ স্তোমান্নমস্য১শ্চনো ধাদ্বিশ্বেভিঃ পাতু পায়ুভির্নি সূরীন্ ॥৩॥

38.4

অভি যং দেব্যদিতির্গৃণাতি সবং দেবস্য সবিতুর্জুষাণা ।
অভি সম্রাজো বরুণো গৃণন্ত্যভি মিত্রাসো অর্যমা সজোষাঃ ॥৪॥

38.5

অভি যে মিথো বনুষঃ সপন্তে রাতিং দিবো রাতিষাচঃ পৃথিব্যাঃ ।
অহির্বুধ্ন্য উত নঃ শৃণোতু বরূত্র্যেকধেনুভির্নি পাতু ॥৫॥

38.6

অনু তন্নো জাস্পতির্মংসীষ্ট রত্নং দেবস্য সবিতুরিয়ানঃ ।
ভগমুগ্রোঽবসে জোহবীতি ভগমনুগ্রো অধ যাতি রত্নম্ ॥৬॥

38.7

শং নো ভবন্তু বাজিনো হবেষু দেবতাতা মিতদ্রবঃ স্বর্কাঃ ।
জম্ভয়ন্তোঽহিং বৃকং রক্ষাংসি সনেম্যস্মদ্যুয়বন্নমীবাঃ ॥৭॥

38.8

বাজেবাজেঽবত বাজিনো নো ধনেষু বিপ্রা অমৃতা ঋতজ্ঞাঃ ।
অস্য মধ্বঃ পিবত মাদয়ধ্বং তৃপ্তা যাত পথিভির্দেবয়ানৈঃ ॥৮॥