সূক্ত 30

30.1

৫ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

আ নো দেব শবসা যাহি শুষ্মিন্ভবা বৃধ ইন্দ্র রায়ো অস্য ।
মহে নৃম্ণায় নৃপতে সুবজ্র মহি ক্ষত্রায় পৌংস্যায় শূর ॥১॥

30.2

হবন্ত উ ত্বা হব্যং বিবাচি তনূষু শূরাঃ সূর্যস্য সাতৌ ।
ত্বং বিশ্বেষু সেন্যো জনেষু ত্বং বৃত্রাণি রন্ধয়া সুহন্তু ॥২॥

30.3

অহা যদিন্দ্র সুদিনা ব্যুচ্ছান্দধো যত্কেতুমুপমং সমত্সু ।
ন্য১গ্নিঃ সীদদসুরো ন হোতা হুবানো অত্র সুভগায় দেবান্ ॥৩॥

30.4

বয়ং তে ত ইন্দ্র যে চ দেব স্তবন্ত শূর দদতো মঘানি ।
যচ্ছা সূরিভ্য উপমং বরূথং স্বাভুবো জরণামশ্নবন্ত ॥৪॥

30.5

বোচেমেদিন্দ্রং মঘবানমেনং মহো রায়ো রাধসো যদ্দদন্নঃ ।
যো অর্চতো ব্রহ্মকৃতিমবিষ্ঠো যূয়ং পাত স্বস্তিভিঃ সদা নঃ ॥৫॥