সূক্ত 29

29.1

৫ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

অয়ং সোম ইন্দ্র তুভ্যং সুন্ব আ তু প্র যাহি হরিবস্তদোকাঃ ।
পিবা ত্ব১স্য সুষুতস্য চারোর্দদো মঘানি মঘবন্নিয়ানঃ ॥১॥

29.2

ব্রহ্মন্বীর ব্রহ্মকৃতিং জুষাণোঽর্বাচীনো হরিভির্যাহি তূয়ম্ ।
অস্মিন্নূ ষু সবনে মাদয়স্বোপ ব্রহ্মাণি শৃণব ইমা নঃ ॥২॥

29.3

কা তে অস্ত্যরংকৃতিঃ সূক্তৈঃ কদা নূনং তে মঘবন্দাশেম ।
বিশ্বা মতীরা ততনে ত্বায়াঽধা ম ইন্দ্র শৃণবো হবেমা ॥৩॥

29.4

উতো ঘা তে পুরুষ্যা৩ ইদাসন্যেষাং পূর্বেষামশৃণোৠষীণাম্ ।
অধাহং ত্বা মঘবঞ্জোহবীমি ত্বং ন ইন্দ্রাসি প্রমতিঃ পিতেব ॥৪॥

29.5

বোচেমেদিন্দ্রং মঘবানমেনং মহো রায়ো রাধসো যদ্দদন্নঃ ।
যো অর্চতো ব্রহ্মকৃতিমবিষ্ঠো যূয়ং পাত স্বস্তিভিঃ সদা নঃ ॥৫॥