সূক্ত 28

28.1

৫ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

ব্রহ্মা ণ ইন্দ্রোপ যাহি বিদ্বানর্বাঞ্চস্তে হরয়ঃ সন্তু যুক্তাঃ ।
বিশ্বে চিদ্ধি ত্বা বিহবন্ত মর্তা অস্মাকমিচ্ছৃণুহি বিশ্বমিন্ব ॥১॥

28.2

হবং ত ইন্দ্র মহিমা ব্যানড্ব্রহ্ম যত্পাসি শবসিন্নৃষীণাম্ ।
আ যদ্বজ্রং দধিষে হস্ত উগ্র ঘোরঃ সন্ক্রত্বা জনিষ্ঠা অষাল্হঃ ॥২॥

28.3

তব প্রণীতীন্দ্র জোহুবানান্ত্সং যন্নৄন্ন রোদসী নিনেথ ।
মহে ক্ষত্রায় শবসে হি জজ্ঞেঽতূতুজিং চিত্তূতুজিরশিশ্নৎ ॥৩॥

28.4

এভির্ন ইন্দ্রাহভির্দশস্য দুর্মিত্রাসো হি ক্ষিতয়ঃ পবন্তে ।
প্রতি যচ্চষ্টে অনৃতমনেনা অব দ্বিতা বরুণো মায়ী নঃ সাৎ ॥৪॥

28.5

বোচেমেদিন্দ্রং মঘবানমেনং মহো রায়ো রাধসো যদ্দদন্নঃ ।
যো অর্চতো ব্রহ্মকৃতিমবিষ্ঠো যূয়ং পাত স্বস্তিভিঃ সদা নঃ ॥৫॥