সূক্ত 27

27.1

৫ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

ইন্দ্রং নরো নেমধিতা হবন্তে যত্পার্যা যুনজতে ধিয়স্তাঃ ।
শূরো নৃষাতা শবসশ্চকান আ গোমতি ব্রজে ভজা ত্বং নঃ ॥১॥

27.2

য ইন্দ্র শুষ্মো মঘবন্তে অস্তি শিক্ষা সখিভ্যঃ পুরুহূত নৃভ্যঃ ।
ত্বং হি দৃল্হা মঘবন্বিচেতা অপা বৃধি পরিবৃতং ন রাধঃ ॥২॥

27.3

ইন্দ্রো রাজা জগতশ্চর্ষণীনামধি ক্ষমি বিষুরূপং যদস্তি ।
ততো দদাতি দাশুষে বসূনি চোদদ্রাধ উপস্তুতশ্চিদর্বাক্ ॥৩॥

27.4

নূ চিন্ন ইন্দ্রো মঘবা সহূতী দানো বাজং নি যমতে ন ঊতী ।
অনূনা যস্য দক্ষিণা পীপায় বামং নৃভ্যো অভিবীতা সখিভ্যঃ ॥৪॥

27.5

নূ ইন্দ্র রায়ে বরিবস্কৃধী ন আ তে মনো ববৃত্যাম মঘায় ।
গোমদশ্বাবদ্রথবদ্ব্যন্তো যূয়ং পাত স্বস্তিভিঃ সদা নঃ ॥৫॥