সূক্ত 26

26.1

৫ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

ন সোম ইন্দ্রমসুতো মমাদ নাব্রহ্মাণো মঘবানং সুতাসঃ ।
তস্মা উক্থং জনয়ে যজ্জুজোষন্নৃবন্নবীয়ঃ শৃণবদ্যথা নঃ ॥১॥

26.2

উক্থৌক্থে সোম ইন্দ্রং মমাদ নীথেনীথে মঘবানং সুতাসঃ ।
যদীং সবাধঃ পিতরং ন পুত্রাঃ সমানদক্ষা অবসে হবন্তে ॥২॥

26.3

চকার তা কৃণবন্নূনমন্যা যানি ব্রুবন্তি বেধসঃ সুতেষু ।
জনীরিব পতিরেকঃ সমানো নি মামৃজে পুর ইন্দ্রঃ সু সর্বাঃ ॥৩॥

26.4

এবা তমাহুরুত শৃণ্ব ইন্দ্র একো বিভক্তা তরণির্মঘানাম্ ।
মিথস্তুর ঊতয়ো যস্য পূর্বীরস্মে ভদ্রাণি সশ্চত প্রিয়াণি ॥৪॥

26.5

এবা বসিষ্ঠ ইন্দ্রমূতয়ে নৄন্কৃষ্টীনাং বৃষভং সুতে গৃণাতি ।
সহস্রিণ উপ নো মাহি বাজান্যূয়ং পাত স্বস্তিভিঃ সদা নঃ ॥৫॥