Sukta 30

30.1

5 maitravarunirvasishthah, indrah, trishtup

आ नो॑ देव॒ शव॑सा याहि शुष्मि॒न्भवा॑ वृ॒ध इ॑न्द्र रा॒यो अ॒स्य ।
म॒हे नृ॒म्णाय॑ नृपते सुवज्र॒ महि॑ क्ष॒त्राय॒ पौंस्या॑य शूर ॥१॥

A no deva shavasa yahi shushminbhava vridha indra rayo asya
Mahe nrimnaya nripate suvajra mahi kshatraya paunsyaya shura

हव॑न्त उ त्वा॒ हव्यं॒ विवा॑चि त॒नूषु॒ शूरा॒ः सूर्य॑स्य सा॒तौ ।
त्वं विश्वे॑षु॒ सेन्यो॒ जने॑षु॒ त्वं वृ॒त्राणि॑ रन्धया सु॒हन्तु॑ ॥२॥

Havanta u tva havyam vivachi tanushu shurah suryasya satau
Tvam vishveshu senyo janeshu tvam vritrani randhaya suhantu

अहा॒ यदि॑न्द्र सु॒दिना॑ व्यु॒च्छान्दधो॒ यत्के॒तुमु॑प॒मं स॒मत्सु॑ ।
न्य१ग्निः सी॑द॒दसु॑रो॒ न होता॑ हुवा॒नो अत्र॑ सु॒भगा॑य दे॒वान् ॥३॥

Aha yadindra sudina vyuchchhandadho yatketumupamam samatsu
Nya1gnih sidadasuro na hota huvano atra subhagaya devan

व॒यं ते त॑ इन्द्र॒ ये च॑ देव॒ स्तव॑न्त शूर॒ दद॑तो म॒घानि॑ ।
यच्छा॑ सू॒रिभ्य॑ उप॒मं वरू॑थं स्वा॒भुवो॑ जर॒णाम॑श्नवन्त ॥४॥

Vayam te ta indra ye cha deva stavanta shura dadato maghani
Yachchha suribhya upamam varutham svabhuvo jaranamashnavanta

वो॒चेमेदिन्द्रं॑ म॒घवा॑नमेनं म॒हो रा॒यो राध॑सो॒ यद्दद॑न्नः ।
यो अर्च॑तो॒ ब्रह्म॑कृति॒मवि॑ष्ठो यू॒यं पा॑त स्व॒स्तिभि॒ः सदा॑ नः ॥५॥

Vochemedindram maghavanamenam maho rayo radhaso yaddadannah
Yo archato brahmakritimavishtho yuyam pata svastibhih sada nah