সূক্ত 24

24.1

৬ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

যোনিষ্ট ইন্দ্র সদনে অকারি তমা নৃভিঃ পুরুহূত প্র যাহি ।
অসো যথা নোঽবিতা বৃধে চ দদো বসূনি মমদশ্চ সোমৈঃ ॥১॥

24.2

গৃভীতং তে মন ইন্দ্র দ্বিবর্হাঃ সুতঃ সোমঃ পরিষিক্তা মধূনি ।
বিসৃষ্টধেনা ভরতে সুবৃক্তিরিয়মিন্দ্রং জোহুবতী মনীষা ॥২॥

24.3

আ নো দিব আ পৃথিব্যা ঋজীষিন্নিদং বর্হিঃ সোমপেয়ায় যাহি ।
বহন্তু ত্বা হরয়ো মদ্র্যঞ্চমাঙ্গূষমচ্ছা তবসং মদায় ॥৩॥

24.4

আ নো বিশ্বাভিরূতিভিঃ সজোষা ব্রহ্ম জুষাণো হর্যশ্ব যাহি ।
বরীবৃজত্স্থবিরেভিঃ সুশিপ্রাঽস্মে দধদ্বৃষণং শুষ্মমিন্দ্র ॥৪॥

24.5

এষ স্তোমো মহ উগ্রায় বাহে ধুরী৩বাত্যো ন বাজয়ন্নধায়ি ।
ইন্দ্র ত্বায়মর্ক ঈট্টে বসূনাং দিবীব দ্যামধি নঃ শ্রোমতং ধাঃ ॥৫॥

24.6

এবা ন ইন্দ্র বার্যস্য পূর্ধি প্র তে মহীং সুমতিং বেবিদাম ।
ইষং পিন্ব মঘবদ্ভ্যঃ সুবীরাং যূয়ং পাত স্বস্তিভিঃ সদা নঃ ॥৬॥