সূক্ত 23

23.1

৬ মৈত্রাবরুণির্বসিষ্ঠঃ। ইন্দ্রঃ । ত্রিষ্টুপ্ ।

উদু ব্রহ্মাণ্যৈরত শ্রবস্যেন্দ্রং সমর্যে মহয়া বসিষ্ঠ ।
আ যো বিশ্বানি শবসা ততানোপশ্রোতা ম ঈবতো বচাংসি ॥১॥

23.2

অয়ামি ঘোষ ইন্দ্র দেবজামিরিরজ্যন্ত যচ্ছুরুধো বিবাচি ।
নহি স্বমায়ুশ্চিকিতে জনেষু তানীদংহাংস্যতি পর্ষ্যস্মান্ ॥২॥

23.3

যুজে রথং গবেষণং হরিভ্যামুপ ব্রহ্মাণি জুজুষাণমস্থুঃ ।
বি বাধিষ্ট স্য রোদসী মহিত্বেন্দ্রো বৃত্রাণ্যপ্রতী জঘন্বান্ ॥৩॥

23.4

আপশ্চিত্পিপ্যুঃ স্তর্যো৩ ন গাবো নক্ষন্নৃতং জরিতারস্ত ইন্দ্র ।
যাহি বায়ুর্ন নিয়ুতো নো অচ্ছা ত্বং হি ধীভির্দয়সে বি বাজান্ ॥৪॥

23.5

তে ত্বা মদা ইন্দ্র মাদয়ন্তু শুষ্মিণং তুবিরাধসং জরিত্রে ।
একো দেবত্রা দয়সে হি মর্তানস্মিঞ্ছূর সবনে মাদয়স্ব ॥৫॥

23.6

এবেদিন্দ্রং বৃষণং বজ্রবাহুং বসিষ্ঠাসো অভ্যর্চন্ত্যর্কৈঃ ।
স নঃ স্তুতো বীরবদ্ধাতু গোমদ্যূয়ং পাত স্বস্তিভিঃ সদা নঃ ॥৬॥