সূক্ত 9

9.1

৭ বার্হস্পত্যো ভরদ্বাজঃ । বৈশ্বানরোsগ্নি : ।ত্রিষ্টুপ্ , [ ৭ প্রস্তারপংক্তির্বা ] ।

অহশ্চ কৃষ্ণমহরর্জুনং চ বি বর্তেতে রজসী বেদ্যাভিঃ ।
বৈশ্বানরো জায়মানো ন রাজা ঽবাতিরজ্জ্যোতিষাগ্নিস্তমাংসি ॥১॥

নাহং তন্তুং ন বি জানাম্যোতুং ন যং বয়ন্তি সমরেঽতমানাঃ ।
কস্য স্বিৎ পুত্র ইহ বক্ত্বানি পরো বদাত্যবরেণ পিত্রা ॥২॥

স ইৎ তন্তুং স বি জানাত্যোতুং স বক্ত্বান্যৃতুথা বদাতি ।
য ঈং চিকেতদমৃতস্য গোপা অবশ্চরন্ পরো অন্যেন পশ্যন্ ॥৩॥

অয়ং হোতা প্রথমঃ পশ্যতেমমিদং জ্যোতিরমৃতং মর্ত্যেষু ।
অয়ং স জজ্ঞে ধ্রুব আ নিষত্তো ঽমর্ত্যস্তন্বা৩ বর্ধমানঃ ॥৪॥

ধ্রুবং জ্যোতির্নিহিতং দৃশয়ে কং মনো জবিষ্ঠং পতয়ত্স্বন্তঃ ।
বিশ্বে দেবাঃ সমনসঃ সকেতা একং ক্রতুমভি বি যন্তি সাধু ॥৫॥

বি মে কর্ণা পতয়তো বি চক্ষুর্বী৩দং জ্যোতির্হৃদয় আহিতং যৎ ।
বি মে মনশ্চরতি দূরআধীঃ কিং স্বিদ্ বক্ষ্যামি কিমু নূ মনিষ্যে ॥৬॥

বিশ্বে দেবা অনমস্যন্ভিয়ানাস্ত্বামগ্নে তমসি তস্থিবাংসম্ ।
বৈশ্বানরোঽবতূতয়ে নো ঽমর্ত্যোঽবতূতয়ে নঃ ॥৭॥