সূক্ত 10

10.1

৭ বার্হস্পত্যো ভরদ্বাজঃ । অগ্নি : । ত্রিষ্টুপ্ ; ৭ দ্বিপদা বিরাট্ ।

পুরো বো মন্দ্রং দিব্যং সুবৃক্তিং প্রয়তি যজ্ঞে অগ্নিমধ্বরে দধিধ্বম্ ।
পুর উক্থেভিঃ স হি নো বিভাবা স্বধ্বরা করতি জাতবেদাঃ ॥১॥

10.2

তমু দ্যুমঃ পুর্বণীক হোতরগ্নে অগ্নিভির্মনুষ ইধানঃ ।
স্তোমং যমস্মৈ মমতেব শূষং ঘৃতং ন শুচি মতয়ঃ পবন্তে ॥২॥

10.3

পীপায় স শ্রবসা মর্ত্যেষু যো অগ্নয়ে দদাশ বিপ্র উক্থৈঃ ।
চিত্রাভিস্তমূতিভিশ্চিত্রশোচির্ব্রজস্য সাতা গোমতো দধাতি ॥৩॥

10.4

আ যঃ পপ্রৌ জায়মান উর্বী দূরেদৃশা ভাসা কৃষ্ণাধ্বা ।
অধ বহু চিৎ তম ঊর্ম্যায়াস্তিরঃ শোচিষা দদৃশে পাবকঃ ॥৪॥

10.5

নূ নশ্চিত্রং পুরুবাজাভিরূতী অগ্নে রয়িং মঘবদ্ভ্যশ্চ ধেহি ।
যে রাধসা শ্রবসা চাত্যন্যান্ ত্সুবীর্যেভিশ্চাভি সন্তি জনান্ ॥৫॥

10.6

ইমং যজ্ঞং চনো ধা অগ্ন উশন্ যং ত আসানো জুহুতে হবিষ্মান্ ।
ভরদ্বাজেষু দধিষে সুবৃক্তিমবীর্বাজস্য গধ্যস্য সাতৌ ॥৬॥

10.7

বি দ্বেষাংসীনুহি বর্ধয়েলাং মদেম শতহিমাঃ সুবীরাঃ ॥৭॥