সূক্ত 11

11.1

৬ বার্হস্পত্যো ভরদ্বাজঃ । অগ্নি : । ত্রিষ্টুপ্ ।

যজস্ব হোতরিষিতো যজীয়ানগ্নে বাধো মরুতাং ন প্রয়ুক্তি ।
আ নো মিত্রাবরুণা নাসত্যা দ্যাবা হোত্রায় পৃথিবী ববৃত্যাঃ ॥১॥

11.2

ত্বং হোতা মন্দ্রতমো নো অধ্রুগন্তর্দেবো বিদথা মর্ত্যেষু ।
পাবকয়া জুহ্বা৩ বহ্নিরাসা ঽগ্নে যজস্ব তন্বং১ তব স্বাম্ ॥২॥

11.3

ধন্যা চিদ্ধি ত্বে ধিষণা বষ্টি প্র দেবাঞ্জন্ম গৃণতে যজধ্যৈ ।
বেপিষ্ঠো অঙ্গিরসাং যদ্ধ বিপ্রো মধু চ্ছন্দো ভনতি রেভ ইষ্টৌ ॥৩॥

11.4

অদিদ্যুতৎ স্বপাকো বিভাবা ঽগ্নে যজস্ব রোদসী উরূচী ।
আয়ুং ন যং নমসা রাতহব্যা অঞ্জন্তি সুপ্রয়সং পঞ্চ জনাঃ ॥৪॥

11.5

বৃঞ্জে হ যন্নমসা বর্হিরগ্নাবয়ামি স্রুগ্ঘৃতবতী সুবৃক্তিঃ ।
অম্যক্ষি সদ্ম সদনে পৃথিব্যা অশ্রায়ি যজ্ঞঃ সূর্যে ন চক্ষুঃ ॥৫॥

11.6

দশস্যা নঃ পুর্বণীক হোতর্দেবেভিরগ্নে অগ্নিভিরিধানঃ ।
রায়ঃ সূনো সহসো বাবসানা অতি স্রসেম বৃজনং নাংহঃ ॥৬॥