সূক্ত 12

12.1

৬ বার্হস্পত্যো ভরদ্বাজঃ । অগ্নি : ।ত্রিষ্টুপ্ [ ৬ পুরস্তাজ্জ্যোতির্বা ]।

মধ্যে হোতা দুরোণে বর্হিষো রালগ্নিস্তোদস্য রোদসী যজধ্যৈ ।
অয়ং স সূনুঃ সহস ঋতাবা দূরাৎ সূর্যো ন শোচিষা ততান ॥১॥

12.2

আ যস্মিন্ ত্বে স্বপাকে যজত্র যক্ষদ্ রাজন্ ত্সর্বতাতেব নু দ্যৌঃ ।
ত্রিষধস্থস্ততরুষো ন জংহো হব্যা মঘানি মানুষা যজধ্যৈ ॥২॥

12.3

তেজিষ্ঠা যস্যারতির্বনেরাট্ তোদো অধ্বন্ ন বৃধসানো অদ্যৌৎ ।
অদ্রোঘো ন দ্রবিতা চেততি ত্মন্নমর্ত্যোঽবর্ত্র ওষধীষু ॥৩॥

12.4

সাস্মাকেভিরেতরী ন শূষৈরগ্নিঃ ষ্টবে দম আ জাতবেদাঃ ।
দ্র্বন্নো বন্বন্ ক্রত্বা নার্বোস্রঃ পিতেব জারয়ায়ি যজ্ঞৈঃ ॥৪॥

12.5

অধ স্মাস্য পনয়ন্তি ভাসো বৃথা যৎ তক্ষদনুয়াতি পৃথ্বীম্ ।
সদ্যো যঃ স্পন্দ্রো বিষিতো ধবীয়ানৃণো ন তায়ুরতি ধন্বা রাট্ ॥৫॥

12.6

স ত্বং নো অর্বন্ নিদায়া বিশ্বেভিরগ্নে অগ্নিভিরিধানঃ ।
বেষি রায়ো বি যাসি দুচ্ছুনা মদেম শতহিমাঃ সুবীরাঃ ॥৬॥