সূক্ত 13

13.1

৬ বার্হস্পত্যো ভরদ্বাজঃ । অগ্নি : ।ত্রিষ্টুপ্ ।

ত্বদ্ বিশ্বা সুভগ সৌভগান্যগ্নে বি যন্তি বনিনো ন বয়াঃ ।
শ্রুষ্টী রয়ির্বাজো বৃত্রতূর্যে দিবো বৃষ্টিরীড্যো রীতিরপাম্ ॥১॥

13.2

ত্বং ভগো ন আ হি রত্নমিষে পরিজ্মেব ক্ষয়সি দস্মবর্চাঃ ।
অগ্নে মিত্রো ন বৃহত ঋতস্যাঽসি ক্ষত্তা বামস্য দেব ভূরেঃ ॥২॥

13.3

স সত্পতিঃ শবসা হন্তি বৃত্রমগ্নে বিপ্রো বি পণের্ভর্তি বাজম্ ।
যং ত্বং প্রচেত ঋতজাত রায়া সজোষা নপ্ত্রাপাং হিনোষি ॥৩॥

13.4

যস্তে সূনো সহসো গীর্ভিরুক্থৈর্যজ্ঞৈর্মর্তো নিশিতিং বেদ্যানট্ ।
বিশ্বং স দেব প্রতি বারমগ্নে ধত্তে ধান্যং১ পত্যতে বসব্যৈঃ ॥৪॥

13.5

তা নৃভ্য আ সৌশ্রবসা সুবীরা ঽগ্নে সূনো সহসঃ পুষ্যসে ধাঃ ।
কৃণোষি যচ্ছবসা ভূরি পশ্বো বয়ো বৃকায়ারয়ে জসুরয়ে ॥৫॥

13.6

বদ্মা সূনো সহসো নো বিহায়া অগ্নে তোকং তনয়ং বাজি নো দাঃ ।
বিশ্বাভির্গীর্ভিরভি পূর্তিমশ্যাং মদেম শতহিমাঃ সুবীরাঃ ॥৬॥