সূক্ত 14

14.1

৬ বার্হস্পত্যো ভরদ্বাজঃ । অগ্নি : ।অনুষ্টুপ্ , ৬ শক্বরী ।

অগ্না যো মর্ত্যো দুবো ধিয়ং জুজোষ ধীতিভিঃ । ভসন্নু ষ প্র পূর্ব্য ইষং বুরীতাবসে ॥১॥

14.2

অগ্নিরিদ্ধি প্রচেতা অগ্নির্বেধস্তম ঋষিঃ । অগ্নিং হোতারমীলতে যজ্ঞেষু মনুষো বিশঃ ॥২॥

14.3

নানা হ্য১গ্নেঽবসে স্পর্ধন্তে রায়ো অর্যঃ । তূর্বন্তো দস্যুমায়বো ব্রতৈঃ সীক্ষন্তো অব্রতম্ ॥৩॥

14.4

অগ্নিরপ্সামৃতীষহং বীরং দদাতি সত্পতিম্ । যস্য ত্রসন্তি শবসঃ সংচক্ষি শত্রবো ভিয়া ॥৪॥

14.5

অগ্নির্হি বিদ্মনা নিদো দেবো মর্তমুরুষ্যতি । সহাবা যস্যাবৃতো রয়ির্বাজেষ্ববৃতঃ ॥৫॥

14.6

অচ্ছা নো মিত্রমহো দেব দেবানগ্নে বোচঃ সুমতিং রোদস্যোঃ ।
বীহি স্বস্তিং সুক্ষিতিং দিবো নৄন্ দ্বিষো অংহাংসি দুরিতা তরেম তা তরেম তবাবসা তরেম ॥৬॥